Ҳукумати Ҷумҳурии Тоҷикистон

ҚАРОР

Дар бораи Низомнома оид ба талабот, шартҳо ва қоидаҳои ҳифзи иттилоот аз разведкаи техникии хориҷӣ

Мутобиқи моддаи 14 Қонуни Ҷумҳурии Тоҷикистон "Дар бораи ҳифзи иттилоот" ва бо мақсади иҷрои банди 24 Номгӯи чорабиниҳои Барномаи давлатии рушд ва татбиқи технологияҳои иттилоотию коммуникатсионӣ дар Ҷумҳурии Тоҷикистон барои солҳои 2014-2017, ки бо қарори Ҳукумати Ҷумҳурии Тоҷикистон аз 3 июли соли 2014, № 428 тасдиқ шудааст, Ҳукумати Ҷумҳурии Тоҷикистон қарор мекунад:

1. Низомнома оид ба талабот, шартҳо ва қоидаҳои ҳифзи иттилоот аз разведкаи техникии хориҷӣ тасдиқ карда шавад (замима мегардад).

2. Вазорату идораҳо ва мақомоти иҷроияи ҳокимияти давлатӣ ҷиҳати татбиқи Низомнома оид ба талабот, шартҳо ва қоидаҳои ҳифзи иттилоот аз разведкаи техникии хориҷӣ чораҳои зарурӣ андешанд.

3. Назорати иҷрои қарори мазкур ба зиммаи Саридораи ҳифзи сирри давлатии назди Ҳукумати Ҷумҳурии Тоҷикистон гузошта шавад.

4. Маблағгузорӣ ва таъминоти моддию техникии чорабиниҳои вобаста ба иҷрои қарори мазкур аз ҳисоби маблағҳои буҷет мутобиқи қонунгузории Ҷумҳурии Тоҷикистон ба амал бароварда шавад.