Ҳукумати Ҷумҳурии Тоҷикистон

ҚАРОР

Дар бораи ворид намудани иловаҳо ба қарори Ҳукумати Ҷумҳурии Тоҷикистон аз 31 июли соли 2001, № 357

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Ба банди 27 Оинномаи Корхонаи воҳиди давлатии "Хоҷагии манзилию коммуналӣ", ки бо қарори Ҳукумати Ҷумҳурии Тоҷикистон аз 31 июли соли 2001, № 357 тасдиқ шудааст, сархати нав бо мазмуни зайл илова карда шавад:

" - маблағгузории хароҷоти нигоҳдории дастгоҳи марказии Муассисаи давлатии "Сарраёсати Тоҷикобдеҳот" аз ҳисоби маблағҳои буҷети ҷумҳуриявӣ анҷом дода шавад. Корхонаҳои тобеи Муассисаи мазкур барои пӯшонидани зарари молиявӣ метавонанд аз кӯмаки молиявӣ (субсидия) истифода баранд".

2. Корхонаи воҳиди давлатии "Хоҷагии манзилию коммуналӣ" санадҳои меъёрии худро ба қарори мазкур мутобиқ намояд.