Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 30 апрели соли 2012, № 204

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" ва бо мақсади татбиқи лоиҳаҳои "Рушди чорводорӣ ва чарогоҳҳо" ва "Беҳсозии сатҳи зиндагӣ дар Хатлон", Ҳукумати Ҷумҳурии Тоҷикистон қарор мекунад:

Ба Оинномаи Муассисаи давлатии "Маркази идораи лоиҳаи "Рушди чорводорӣ ва чарогоҳҳо", ки бо қарори Ҳукумати Ҷумҳурии Тоҷикистон аз 30 апрели соли 2012, № 204 тасдиқ шудааст, тағйиру иловаҳои зерин ворид карда шаванд:

1. Банди 1 дар таҳрири зайл ифода карда шавад:

"1. Муассисаи давлатии "Маркази идораи лоиҳаи "Рушди чорводорӣ ва чарогоҳҳо" (минбаъд-Марказ) сохтори махсусгардонидашуда буда, татбиқи лоиҳаҳои "Рушди чорводорӣ ва чарогоҳҳо" ва "Беҳсозии сатҳи зиндагӣ дар Хатлон"-ро дар асоси гранти Фонди байналмилалии рушди кишоварзӣ, бо мақсади беҳтар намудани сатҳи зиндагии аҳолӣ дар ноҳияҳои Мӯъминобод, Шӯрообод, Ховалинг, Балҷувон, Темурмалик, Фархор, Восеъ ва ноҳияҳои дигаре, ки тибқи Созишномаи байни Ҳукумати Ҷумҳурии Тоҷикистон ва Фонди байналмилалии рушди кишоварзӣ ё дигар созмонҳои байналмилалӣ муайян карда мешаванд, амалӣ менамояд.".

2. Дар банди 3 ва сархати чоруми банди 9 калимаҳои "асъори миллӣ ва хориҷӣ" ба калимаҳои "пули миллӣ ва асъори хориҷӣ" иваз карда шаванд.

3. Банди 5 дар таҳрири зайл ифода карда шавад:

"Марказ фаъолияти худро дар давраи амалишавии лоиҳаҳои "Рушди чорводорӣ ва чарогоҳҳо" ва "Беҳсозии сатҳи зиндагӣ дар Хатлон" (минбаъд - лоиҳаҳо) анҷом медиҳад.".

4. Сархати дуюми банди 7 дар таҳрири зайл ифода карда шавад:

"- таъмини истифодаи мақсадноки маблағҳои грантӣ ва қарзии аз ҷониби Фонди байналмилалии рушди кишоварзӣ барои татбиқи лоиҳаҳо ҷудогардида.".

5. Дар сархати якуми банди 10 пас аз калимаи "маблағҳои" калимаҳои "қарзӣ ва" ва дар сархати чорум пас аз калимаи "ҳисоботи" калима ва аломати "моҳона," илова карда шаванд.

6. Сархатҳои якум ва дуюми банди 12 дар таҳрири зайл ифода карда шаванд:

"- маблағҳои грантие, ки аз ҳисоби Фонди байналмилалии рушди кишоварзӣ барои татбиқи лоиҳаҳо ҷалб карда мешаванд;

- маблағҳои грантӣ ва қарзие, ки аз ҳисоби давлатҳои хориҷӣ, ташкилотҳои молиявӣ ва созмонҳои байналмилалӣ барои татбиқи лоиҳаҳо ҷалб карда мешаванд;".

7. Дар сархати сеюми банди 15 пас аз калимаи "сметаи" калимаҳои "ягонаи даромад ва" илова карда шуда, сархати панҷум ва аз сархати ҳафтум калимаҳои "ва дигар" хориҷ карда шаванд.