Ҳукумати Ҷумҳурии Тоҷикистон

ҚАРОР

Дар бораи таъсис додани Муассисаи давлатии "Рушди соҳибкорӣ дар соҳаи кишоварзӣ"

Мутобиқи моддаҳои 52 ва 128 Кодекси мадании Ҷумҳурии Тоҷикистон Ҳукумати Ҷумҳурии Тоҷикистон қарор мекунад (қарори Ҳукумати ҶТ аз 25.06.2024 № 372):

1. Муассисаи давлатии "Рушди соҳибкорӣ дар соҳаи кишоварзӣ" таъсис дода, Оинномаи он тасдиқ карда шавад (замима мегардад).

2. Муассисаи давлатии "Рушди соҳибкорӣ дар соҳаи кишоварзӣ" дар мувофиқа бо Вазорати молияи Ҷумҳурии Тоҷикистон ва Вазорати кишоварзии Ҷумҳурии Тоҷикистон сохтор, рӯйхати мансабҳо ва сметаи хароҷоти барои нигоҳдории Муассисаи давлатии "Рушди соҳибкорӣ дар соҳаи кишоварзӣ"-ро таҳия ва тасдиқ намояд.

3. Кумитаи давлатии сармоягузорӣ ва идораи амволи давлатии Ҷумҳурии Тоҷикистон ва Вазорати кишоварзии Ҷумҳурии Тоҷикистон масъалаҳои ташкилию ҳуқуқии Муассисаи давлатии "Рушди соҳибкорӣ дар соҳаи кишоварзӣ"-ро тибқи тартиби муқаррарнамудаи қонунгузорӣ ҳал намоянд.