Ҳукумати Ҷумҳурии Тоҷикистон

ҚАРОР

Дар бораи Барномаи ташкили меҳнат ва рушди истеҳсолоти саноатӣ дар муассисаҳои ислоҳии Ҷумҳурии Тоҷикистон барои солҳои 2015-2020

Мутобиқи моддаи 7 Қонуни Ҷумҳурии Тоҷикистон "Дар бораи дурнамоҳои давлатӣ, консепсияҳо, стратегияҳо ва барномаҳои инкишофи иҷтимоию иқтисодии Ҷумҳурии Тоҷикистон" Ҳукумати Ҷумҳурии Тоҷикистон қарор мекунад:

1. Барномаи ташкили меҳнат ва рушди истеҳсолоти саноатӣ дар муассисаҳои ислоҳии Ҷумҳурии Тоҷикистон барои солҳои 2015-2020 тасдиқ карда шавад (замима мегардад).

2. Маблағгузории Барномаи мазкур аз ҳисоби маблағҳои Буҷети давлатӣ ва инчунин дигар маблағҳое, ки ба қонунгузории Ҷумҳурии Тоҷикистон мухолифат намекунанд амалӣ карда шавад.

3. Вазорати адлияи Ҷумҳурии Тоҷикистон дар бораи рафти иҷрои Барномаи ташкили меҳнат ва рушди истеҳсолоти саноатӣ дар муассисаҳои ислоҳии Ҷумҳурии Тоҷикистон барои солҳои 2015-2020 ҳар сол ба Ҳукумати Ҷумҳурии Тоҷикистон маълумот пешниҳод намояд.

4. Назорати иҷрои қарори мазкур ба зиммаи Вазорати адлияи Ҷумҳурии Тоҷикистон вогузор карда шавад.