Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 28 июли соли 2009, № 413

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" ва бо мақсади беҳтар намудани фаъолияти хоҷагиҳои тухмипарварӣ, Ҳукумати Ҷумҳурии Тоҷикистон қарор мекунад:

1. Ба Номгӯи хоҷагиҳои истеҳсолкунандаи тухмии зироатҳои кишоварзӣ, ки бо қарори Ҳукумати Ҷумҳурии Тоҷикистон аз 28 июли соли 2009, № 413 тасдиқ шудааст, тағйироту иловаҳои зерин ворид карда шаванд:

- ба Номгӯи хоҷагиҳои истеҳсолкунандаи тухмии зироатҳои кишоварзии вилояти Суғд сархати нав бо мазмуни зайл илова карда шавад:

" -хоҷагии деҳқонии "Нуробод"- и ноҳияи Спитамен - ғалладона";

- ба Номгӯи хоҷагиҳои истеҳсолкунандаи тухмии зироатҳои кишоварзии вилояти Хатлон сарҳати нав бо мазмуни зайл илова карда шавад:

"- Кооперативи истеҳсолии "Баҳор- Б"- и ноҳияи Бохтар - пахта";

- аз Номгӯи хоҷагиҳои истеҳсолкунандаи тухмии зироатҳои кишоварзии шаҳру ноҳияҳои тобеи ҷумҳурӣ сархати дуюм " - хоҷагии деҳқонии "Ҳақиқат"- и шаҳри Турсунзода - пахта, ғалладона" хориҷ карда шавад.