Ҳукумати Ҷумҳурии Тоҷикистон

ҚАРОР

Дар бораи Тартиб ва шартҳои доир намудани музокироти мустақим дар доираи созишномаи сармоягузорӣ

Мутобиқи моддаи 14 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон", моддаи 7 Қонуни Ҷумҳурии Тоҷикистон "Дар бораи созишномаи сармоягузорӣ" бо мақсади татбиқи лоиҳаҳои сармоягузорӣ дар соҳаҳои муҳим ва афзалиятноки иқтисодиёти Ҷумҳурии Тоҷикистон, Ҳукумати Ҷумҳурии Тоҷикистон қарор мекунад:

1. Тартиб ва шартҳои доир намудани музокироти мустақим дар доираи созишномаи сармоягузорӣ тасдиқ карда шавад (замима мегардад).

2. Кумитаи давлатии сармоягузорӣ ва идораи амволи давлатии Ҷумҳурии Тоҷикистон ҳамчун мақоми ваколатдори давлатӣ тибқи тартиби муқарраргардида тадбирҳои заруриро ҷиҳати омода, пешниҳод ва ба имзо расонидани созишномаи сармоягузорӣ, инчунин пешбурди мониторинги иҷрои муқаррарот ва раванди татбиқи созишномаи сармоягузорӣ амалӣ намояд.