Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 3 апрели соли 2007, № 186

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

Ба Низомномаи Хадамоти назорати давлатии санитарию эпидемиологӣ, ки бо қарори Ҳукумати Ҷумҳурии Тоҷикистон аз 3 апрели соли 2007, № 186 "Дар бораи Хадамоти назорати давлатии санитарию эпидемиологӣ" тасдиқ гардидааст, тағйиру иловаҳои зерин ворид карда шаванд:

- дар тамоми матни Низомномаи Хадамот калимаҳои "Вазорати тандурустии Ҷумҳурии Тоҷикистон" ба калимаҳои "Вазорати тандурустӣ ва ҳифзи иҷтимоии аҳолии Ҷумҳурии Тоҷикистон" ва калимаҳои "Вазири тандурустии Ҷумҳурии Тоҷикистон" ба калимаҳои "Вазири тандурустӣ ва ҳифзи иҷтимоии аҳолии Ҷумҳурии Тоҷикистон" иваз карда шаванд;

- дар сархати дуюми банди 7 пас аз калимаҳои "саломатӣ ва" калимаҳои "ҳифзи иҷтимоӣ" илова карда шаванд;

- дар сархати ёздаҳуми банди 7 калимаи "иондоркунанда" ба калимаҳои "ионофар ва ғайриионофар" иваз карда шавад;

- дар сархати сенздаҳуми банди 7 калимаи "маҳсулотро" ба калимаи "маҳсулот" иваз ва пас аз он калимаҳои ", воридот ва транзити маҳсулоти хӯроквориро" илова карда шаванд;

- дар банди 7 сархати нав бо мазмуни зайл илова карда шавад:

"- ташкил ва гузаронидани экспертизаи санитарию эпидемиологиро амалӣ менамояд";

- дар сархати дувоздаҳуми банди 8 пас аз калимаи "методии" калимаҳои "Муассисаи давлатии таълимии" илова карда, калимаҳои "Донишкадаи такмили ихтисоси баъдидипломии кормандони тиб" ба калимаҳои "Муассисаи давлатии таълимии "Донишкадаи таҳсилоти баъдидипломии кормандони соҳаи тандурустии Ҷумҳурии Тоҷикистон" иваз карда шаванд;

- сархати ҳафтуми банди 10 дар таҳрири зайл ифода карда шавад:

"- дар доираи аз ҷониби Ҳукумати Ҷумҳурии Тоҷикистон муқарраргардида шумораи кормандон, фонди музди меҳнат, рӯйхати штатҳои Хадамот тибқи талаботи намунавӣ ва сметаи хароҷоти нигаҳдории онро барои тасдиқ ба Вазорати тандурустӣ ва ҳифзи иҷтимоии аҳолии Ҷумҳурии Тоҷикистон пешниҳод менамояд";

- сархати ҳаштуми банди 10 хориҷ карда шавад;

- дар банди 11 пас аз калимаҳои "суратҳисоби ягонаи" калимаҳои "Сарраёсати марказии" илова карда шаванд;

- дар банди 12 калимаи "Чапаев" ба калимаи "Шероз" иваз карда шавад.