Ҳукумати Ҷумҳурии Тоҷикистон

ҚАРОР

Дар бораи ворид намудани тағйирот ба қарори Ҳукумати Ҷумҳурии Тоҷикистон аз 3 апрели соли 2007, № 172

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

Ба боби 44 Низомнома дар бораи хусусиятҳои иҷозатномадиҳӣ ба баъзе намудҳои фаъолият, ки бо қарори Ҳукумати Ҷумҳурии Тоҷикистон аз 3 апрели соли 2007, № 172 тасдиқ гардидааст, тағйироти зерин ворид карда шавад:

- дар бандҳои 2, 3 ва 4 калимаҳои "Вазорати корҳои дохилии" ба калимаҳои "Хадамоти муҳоҷирати Вазорати Меҳнат, муҳоҷират ва шуғли аҳолии" иваз карда шаванд;

- сархати чоруми банди 5 хориҷ карда шавад;

- дар сархати панҷуми банди 6 калимаҳои "Вазорати корҳои дохилии Ҷумҳурии Тоҷикистон ва Хадамоти муҳоҷирати Вазорати корҳои дохилии Ҷумҳурии Тоҷикистон" ба калимаҳои "Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон" иваз карда шаванд;

- дар сархати сеюми банди 7 калимаҳои "Вазорати корҳои дохилии Ҷумҳурии Тоҷикистон" ба калимаҳои "Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон" иваз карда шаванд;

- банди 8 хориҷ карда шуда, банди 9 банди 8 ҳисобида шавад.