Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 1 октябри соли 2009, № 532

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

Ба Тартиби интишори расмии санадҳои меъёрии ҳуқуқии вазоратҳо, кумитаҳои давлатӣ ва дигар мақомоти давлатӣ, ки бо қарори Ҳукумати Ҷумҳурии Тоҷикистон аз 1 октябри соли 2009, № 532 тасдиқ шудааст, тағйиру иловаҳои зерин ворид карда шаванд:

- дар банди 3) калимаҳои "рӯзномаи "Ҷумҳурият" ба калимаҳои "рӯзномаҳои "Ҷумҳурият" ё "Садои мардум" ва калимаҳои "рӯзномаи мазкур" ба калимаҳои "яке аз ин рӯзномаҳо" иваз карда шаванд;

- дар банди 4) пас аз калимаҳои "қарор мегиранд" калимаҳои ", агар дар онҳо мӯҳлати дигари мавриди амал қарор додан муқаррар нагардида бошад" илова карда шаванд.