Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 1 октябри соли 2008, № 483

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Ба қарори Ҳукумати Ҷумҳурии Тоҷикистон аз 1 октябри соли 2008, № 483 "Дар бораи Хадамоти назорати давлатии фаъолияти фарматсевтӣ" тағйиру иловаҳои зерин ворид карда шаванд:

- дар банди 2 қарор рақамҳои "40" ва "58" мутаносибан ба рақамҳои "44" ва "54" иваз карда шаванд;

- дар банди 4 қарор рақамҳои "40" ва "60" мутаносибан ба рақамҳои "44" ва "54" иваз карда шаванд;

- банди 5 қарор дар таҳрири зайл ифода карда шавад:

"5. Дар назди Хадамоти назорати давлатии фаъолияти фарматсевтӣ:

- Корхонаи воҳиди давлатии "Экспертиза ва озмоиши маҳсулоти фарматсевтӣ ва тиббӣ";

- Корхонаи воҳиди давлатии "Экспертиза ва озмоиши маҳсулоти фарматсевтӣ ва тиббӣ дар вилояти Суғд" фаъолият менамоянд.

2. Ба Низомномаи Хадамоти назорати давлатии фаъолияти фарматсевтӣ, ки бо қарори Ҳукумати Ҷумҳурии Тоҷикистон аз 1 октябри соли 2008, №483 тасдиқ шудааст, тағйиру иловаҳои зерин ворид карда шаванд:

а) дар боби 1:

- дар банди 2 ва сархати даҳуми банди 6 калимаҳои "Вазорати тандурустии" ба калимаҳои "Вазорати тандурустӣ ва ҳифзи иҷтимоии аҳолии" иваз карда шаванд;

б) дар боби 2:

- дар сархатҳои якум, панҷум, ҳаштум, сенздаҳум, бисту якум, бисту чорум ва бисту панҷуми банди 5 ва сархати якум, дуюм, ҳаштум, ёздаҳум ва понздаҳуми банди 6 калимаҳои "ороишии дорои хусусияти табобатию пешгирӣ" мутаносибан ба калимаҳои "ороишӣ, обҳои минералии дорои хусусияти табобатию пешгирӣ ва маводи безараркунанда, реагентҳои ташхисию ғизои кӯдакона" иваз карда шаванд;

- аз сархати ёздаҳуми банди 5 калимаҳои "аккредитатсия, аттестатсия ва" хориҷ карда шавад;

- дар сархати бисту панҷум банди 5 пас аз калимаҳои "бақайдгирии давлатӣ," калимаи "реклама," илова карда шавад;

- дар сархати сеюми банди 6 калимаи "мувофиқати" ба калимаи "мутобиқати" иваз карда шуда, пас аз калимаҳои "қонунгузории Ҷумҳурии Тоҷикистон" калимаҳои "аз муомилот гирифта ва" илова карда шавад;

- пас аз сархати даҳуми банди 6 сархати нав бо мазмуни зайл илова карда шаванд:

" - барои рекламаи маводи доруворӣ, маводҳои ороишӣ, ки хусусияти табобатӣ доранд, хулосаи асоснокро ба мақоми ваколатдор дар соҳаи реклама пешниҳод менамояд;"

- дар банди 6 сархатҳои нав бо мазмуни зайл илова карда шаванд:

" - фаъолияти намояндагиҳои тиббии ташкилотҳои фарматсевтии дохилӣ ва хориҷии ба фаъолияти фарматсевтӣ машғулбударо назорат мекунад;

- корҳоро оид ба тарҷума, таҳлилу такмили ҳуҷҷатҳои меъёрию техникӣ ташкил ва амалӣ менамояд;

- гирифтани маълумотро аз муассисаҳои табобатию профилактикӣ, новобаста аз шакли моликиятшон, оид ба самаранокӣ ва бехатарии (таъсири иловагӣ) маводи доруворӣ ва молҳои тиббӣ ташкил менамояд;

- маълумотро оид ба таъсири иловагии маводи доруворӣ байни кормандони муассисаҳои фарматсевтӣ ва табобатию профилактикӣ, инчунин истеҳсолкунандагон паҳн менамояд;

- дар якҷоягӣ бо мақомоти манфиатдор пешгирӣ ва мубориза ба муқобили паҳншавии сӯиистеъмоли маводи дорувории нашъадор, дорои моддаҳои психотропӣ ва моддаҳои сахттаъсирро амалӣ менамояд.";

в) дар боби 3:

- дар бандҳои 7, 9, 11 ва 12 калимаҳои "Вазири тандурустии" ба калимаҳои "Вазири тандурустӣ ва ҳифзи иҷтимоии аҳолии" иваз карда шаванд;

- дар сархати дуюми банди 8 пас аз калимаҳои "муассисаҳои фарматсевтӣ" калимаҳои "ва муассисаҳое, ки ба фаъолияти фарматсевтӣ алоқаманданд".

3. Ба Сохтори Дастгоҳи марказии Хадамоти назорати давлатии фаъолияти фарматсевтӣ, ки бо қарори Ҳукумати Ҷумҳурии Тоҷикистон 1 октябри соли 2008, №483 тасдиқ шудааст, тағйиру иловаи зерин ворид карда шаванд:

- сархати ҳафтум дар таҳрири зайл ифода карда шавад:

"Шӯъбаи аккредитатсияи муассисаҳои фарматсевтӣ";

- пас аз сархати ҳафтум сархати нав бо мазмуни зайл илова карда шавад:

"Шӯъбаи назорати фармакологии маводи доруворӣ".

4. Корхонаи воҳиди давлатии "Экспертиза ва озмоиши маҳсулоти фарматсевтӣ ва тиббӣ дар вилояти Хатлон" ва Корхонаи воҳиди давлатии "Экспертиза ва озмоиши маҳсулоти фарматсевтӣ ва тиббӣ дар Вилояти Мухтори Кӯҳистони Бадахшон" барҳам дода шаванд.

5. Хадамоти назорати давлатии фаъолияти фарматсевтӣ дар якҷоягӣ бо Кумитаи давлатии сармоягузорӣ ва идораи амволи давлатии Ҷумҳурии Тоҷикистон мутобиқи қонунгузории амалкунанда ҷиҳати барҳам додани Корхонаи воҳиди давлатии "Экспертиза ва озмоиши маҳсулоти фарматсевтӣ ва тиббӣ дар вилояти Хатлон" ва Корхонаи воҳиди давлатии "Экспертиза ва озмоиши маҳсулоти фарматсевтӣ ва тиббӣ дар Вилояти Мухтори Кӯҳистони Бадахшон" тадбирҳо андешанд.

6. Аз Номгӯи корхонаҳои тобеи Хадамоти назорати давлатии фаъолияти фарматсевтӣ, ки бо қарори Ҳукумати Ҷумҳурии Тоҷикистон аз 1 октябри соли 2008, №483 тасдиқ шудааст, сархатҳои сеюм ва чорум хориҷ карда шаванд.