Ҳукумати Ҷумҳурии Тоҷикистон

ҚАРОР

Дар бораи муқаррар намудани ҳаҷми хироҷ барои додани шиносномаи шаҳрвандии Ҷумҳурии Тоҷикистон ва хароҷоти маблағҳои дигар пардохтҳои ҳатмӣ ба буҷет

Бо мақсади иҷрои Фармони Президенти Ҷумҳурии Тоҷикистон аз 20 сентябри соли 2013, № 1519 "Дар бораи ҷорӣ намудани кортҳои идентификатсионии шаҳрвандони Ҷумҳурии Тоҷикистон" Ҳукумати Ҷумҳурии Тоҷикистон қарор мекунад:

1. Ҳаҷми хироҷ барои додани шиносномаи шаҳрвандии Ҷумҳурии Тоҷикистон ба маблағи 10 доллари ШМА бо пардохти маблағ бо асъори миллӣ бо қурби муайяннамудаи Бонки миллии Тоҷикистон дар рӯзи супоридани маблағ, муқаррар карда шавад.

2. (на барои нашр).

3. (на барои нашр).

4. Вазорати корҳои хориҷии Ҷумҳурии Тоҷикистон минбаъд хариди бланкаҳои шиносномаҳои шаҳрвандони Ҷумҳурии Тоҷикистон, таъминоти техникӣ, азнавкунӣ ва дар сатҳи зарурӣ нигоҳ доштани таҷҳизотро аз ҳисоби додани шиносномаҳои шаҳрвандӣ воридшаванда амалӣ намояд.

5. Муқаррар карда шавад, ки иштирокчиёни Ҷанги Бузурги Ватанӣ ва шахсони ба онҳо баробар кардашуда, нафақахӯрон, маъюбони гурӯҳи 1 ва 2 аз пардохти маблағи хироҷ барои додани шиносномаҳои шаҳрвандӣ озод карда мешаванд.

6. Қарори Ҳукумати Ҷумҳурии Тоҷикистон аз 4 апрели соли 1997, № 158 "Дар бораи муқаррар намудани андозаи боҷ барои додани шиноснома" аз санаи 1 июли соли 2014 аз эътибор соқит дониста шавад.

7. Замимаи 7 қарори Ҳукумати Ҷумҳурии Тоҷикистон аз 2 ноябри соли 2007, № 546 "Дар бораи тасдиқ намудани меъёрҳои хироҷҳо барои анҷом додани амалҳои аз ҷиҳати ҳуқуқӣ муҳим ва пардохтҳо барои додани иҷозат оид ба истифодаи захираҳои табиӣ ё дигар захираҳои мавҷуда" хориҷ карда шавад.

8. Қарори мазкур аз 1 марти соли 2014 мавриди амал қарор дода мешавад.