Ҳукумати Ҷумҳурии Тоҷикистон

ҚАРОР

Оид ба Низомномаи аттестати аълои универсалӣ бо медали тилло ва нуқра, аттестати аълои равиявӣ бо медали тилло ва нуқра ва тасдиқи ҳуҷҷатҳои намунаи давлатии махсус

Мутобиқи моддаи 32 Қонуни Ҷумҳурии Тоҷикистон "Дар бораи маориф" ва моддаи 51 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Тасдиқ карда шавад:

- Низомномаи аттестати аълои универсалӣ бо медали тилло ва нуқра, аттестати аълои равиявӣ бо медали тилло-ва нуқра (замимаи 1);

- ҳуҷҷатҳои намунаи давлатии махсус (замимаи 2, 3, 4, 5 , 6, 7);

- тарҳи медалҳои тилло ва нуқра (замимаи 8, 9).

2. Вазорати маориф ва илми Ҷумҳурии Тоҷикистон:

- дар давоми ду моҳ санадҳои меъёрии ҳуқуқии соҳаро ба Низомномаи мазкур мутобиқ намояд;

- дар доираи маблағҳои ба соҳа ҷудогардида барои тайёр намудани миқдори муайяни медали тилло, нуқра ва аттестати аъло маблағ пешбинӣ намояд.

3. Қарорҳои Ҳукумати Ҷумҳурии Тоҷикистон аз 19 апрели соли 2001, № 201 "Дар бораи баъзе масъалаҳои мактаби таҳсилоти ҳамагонӣ", аз 3 ноябри соли 2001, № 495 "Оид ба тасдиқ намудани Низомнома дар бораи бо медали тилло мукофотонидани хатмкунандагони мактабҳои маълумоти миёнаи ҳамагонии Ҷумҳурии Тоҷикистон" ва аз 5 феврали соли 2003, № 55 "Дар бораи баъзе масъалаҳои мактаби маълумоти ҳамагонӣ" аз эътибор соқит дониста шаванд.