Ҳукумати Ҷумҳурии Тоҷикистон

ҚАРОР

Дар бораи Тартиби пешбурд ва нашри Кадастри давлатии силоҳи хизматӣ, ғайринизомӣ ва лавозимоти ҷангии он ва Тартиби тасдиқи мутобиқати силоҳи хизматӣ, ғайринизомӣ ва лавозимоти ҷангии он ба талаботи қонунгузории Ҷумҳурии Тоҷикистон дар соҳаи бамеъёрдарории техникӣ ва стандартонӣ

Мутобиқи моддаҳои 7 ва 8 Қонуни Ҷумҳурии Тоҷикистон "Дар бораи силоҳ" Ҳукумати Ҷумҳурии Тоҷикистон қарор мекунад:

1. Тартиби пешбурд ва нашри Кадастри давлатии силоҳи хизматӣ, ғайринизомӣ ва лавозимоти ҷангии он тасдиқ карда шавад (замимаи 1).

2. Тартиби тасдиқи мутобиқати силоҳи хизматӣ, ғайринизомӣ ва лавозимоти ҷангии он ба талаботи қонунгузории Ҷумҳурии Тоҷикистон дар соҳаи бамеъёрдарории техникӣ ва стандартонӣ тасдиқ карда шавад (замимаи 2).

3. Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон тибқи қарори мазкур ҷараёни пешбурд ва нашри Кадастри давлатӣ ва сертификатсияи силоҳи хизматӣ, ғайринизомӣ ва лавозимоти ҷангии онро таъмин намояд.