Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 3 майи соли 2010, № 225

Бо мақсади иҷрои Фармони Президенти Ҷумҳурии Тоҷикистон аз 19 ноябри соли 2013, № 12 "Дар бораи такмили сохтори мақомоти иҷроияи ҳокимияти давлатии Ҷумҳурии Тоҷикистон" ва мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Ба қарори Ҳукумати Ҷумҳурии Тоҷикистон аз 3 майи соли 2010, № 225 "Дар бораи Кумитаи давлатии заминсозӣ ва геодезии Ҷумҳурии Тоҷикистон" тағйироти зерин ворид карда шавад:

- дар ном ва бандҳои 1, 2, 3, 4, 5 ва 6 калимаҳои "заминсозӣ" ва "заминсозии" ба калимаҳои "идораи замин" ва "идораи замини" иваз карда шаванд;

- дар банди 7 калимаҳои "давлатии заминсозӣ" ба калимаҳои "давлатии идораи замин" иваз карда шаванд.

2. Ба Низомномаи Кумитаи давлатии заминсозӣ ва геодезии Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 3 майи соли 2010, №225 тасдиқ карда шудааст, тағйиру иловаҳои зерин ворид карда шавад:

- дар ном ва бандҳои 1, 4 ва 11 калимаи "заминсозӣ" ба калимаи "идораи замин" иваз карда шавад;

- дар банди 4 сархати сеюм бо мазмуни зайл илова карда шавад:

"- тибқи тартиби муқарраргардида қоидаҳо, тартиби бақайдгирӣ, пешбурд ва шаклҳои парвандаи бақайдгирӣ, китоби бақайдгирӣ, дафтари аризаҳо ва гузоштани рақамҳои мушаххаси кадастрии молу мулки ғайриманқулро таҳия ва тасдиқ менамояд;";

- дар банди 13 сархатҳои сеюм ва чорум бо мазмуни зайл илова карда шаванд:

"- дар хусуси ба вазифа таъин ва аз вазифа озод намудани муовинони Раис, роҳбари Корхонаи воҳиди давлатии "Бақайдгирии молу мулки ғайриманқул", роҳбарони дигар корхона ва муассисаҳое, ки аз ҷониби Ҳукумати Ҷумҳурии Тоҷикистон ба вазифа таъин ва аз вазифа озод карда мешаванд, ба Ҳукумати Ҷумҳурии Тоҷикистон пешниҳод ирсол менамояд".

3. Дар номи Сохтори дастгоҳи марказӣ ва Номгӯи корхонаҳо ва муассисаҳои системаи Кумитаи давлатии заминсозӣ ва геодезии Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 3 майи соли 2010, №225 тасдиқ шудааст, калимаи "заминсозӣ" ба калимаи "идораи замин" иваз карда шавад.

4. Дар Нақшаи идоракунии Кумитаи давлатии заминсозӣ ва геодезии Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 3 майи соли 2010, № 225 тасдиқ карда шудааст, калимаҳои "заминсозӣ", "Кумитаҳои заминсозии" ва "Кумитаи заминсозии" мутаносибан ба калимаҳои "идораи замин", "Кумитаҳои идораи замин" ва "Кумитаи идораи замин" иваз карда шавад.