Ҳукумати Ҷумҳурии Тоҷикистон

ҚАРОР

Дар бораи ворид намудани тағйирот ба қарори Ҳукумати Ҷумҳурии Тоҷикистон аз 28 декабри соли 2006, № 593

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Ба Низомномаи Вазорати корҳои хориҷии Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 28 декабри соли 2006, №593 тасдиқ гардидааст, тағйироти зерин ворид карда шавад:

- банди 14 дар таҳрири зайл ифода карда шавад:

"14. Воҳидҳои сохтории Вазорат аз сарраёсатҳо ва раёсатҳои марзӣ, соҳавӣ ва маъмурӣ иборат мебошанд. Дар таркиби сарраёсатҳо раёсату шӯъбаҳо ва дар таркиби раёсатҳои мустақил мумкин аст шӯъбаҳо ташкил карда шаванд.";

- дар банди 27 калима ва рақами "Рӯдакӣ 42" ба калима ва рақами "Шероз-33" иваз карда шаванд.

2. Дар Сохтори дастгоҳи марказии Вазорати корҳои хориҷии Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 28 декабри соли 2006, №593 тасдиқ гардидааст, калимаҳои "Раёсати қонсулӣ" хориҷ шуда, сархати сеюм дар таҳрири зайл ифода карда шавад:

"Сарраёсати консулӣ".