ФАРМОНИ ПРЕЗИДЕНТИ ҶУМҲУРИИ ТОҶИКИСТОН

Дар бораи ворид намудани иловаҳо ба Фармони Президенти Ҷумҳурии Тоҷикистон аз 17 январи соли 2014, № 116

Мутобиқи моддаи 42 Қонуни Ҷумҳурии Тоҷикистон "Дар бораи санадаои меъёрии ҳуқуқии Ҷумҳурии Тоҷикистон" ва моддаи 69 Конститутсияи (Сарқонуни) Ҷумҳурии Тоҷикистон фармон медиҳам:

Ба Фармони Президенти Ҷумҳурии Тоҷикистон аз 17 январи соли 2014, № 116 "Дар бораи таҷдиди сохтори Дастгоҳи иҷроияи Президенти Ҷумҳурии Тоҷикистон" иловаҳои зерин ворид карда шаванд:

1. Банди 4 бо мазмуни зайл илова карда шавад:

"4. Бо мақсади таҳкими низоми ҳамоҳангсозии масъалаҳои амнияти миллӣ, мудофиа ва тартиботи ҳукуқӣ, бахши Ёрдамчии Президенти Ҷумҳурии Тоҷикистон оид ба масъалаҳои амнияти миллӣ таъсис дода шавад".

2. Бандҳои 4-22 мутобиқан бандҳои 5-23 ҳисобида шаванд.

3. Ба Сохтори Дастгоҳи иҷроияи Президенти Ҷумҳурии Тоҷикистон, ки бо Фармони мазкур тасдиқ шудааст, сархати ҳафтум бо мазмуни зайл илова карда шавад:

"Ёрдамчии Президенти Ҷумҳурии Тоҷикистон оид ба масъалаҳои амнияти миллӣ".