Ҳукумати Ҷумҳурии Тоҷикистон

ҚАРОР

Дар бораи таъсис додани Муассисаи давлатии "Маркази миллии Тоҷикистон оид ба масъалаҳои минаҳо"

Мутобиқи моддаҳои 52, 132 Кодекси граждании Ҷумҳурии Тоҷикистон ва моддаи 12 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон" Ҳукумати Ҷумҳурии Тоҷикистон қарор мекунад:

1. Муассисаи давлатии "Маркази миллии Тоҷикистон оид ба масъалаҳои минаҳо" таъсис дода шавад.

2. Оинномаи Муассисаи давлатии "Маркази миллии Тоҷикистон оид ба масъалаҳои минаҳо" тасдиқ карда шавад (замима мегардад).

3. Вазорати молияи Ҷумҳурии Тоҷикистон маблағгузории кормандони Муассисаро бо теъдоди 7 воҳиди корӣ (бе назардошти ҳайати хизматрасон) аз ҳисоби маблағҳои буҷетӣ ва маблағҳои ҷалбшаванда таъмин намояд.

4. Кумитаи давлатии сармоягузорӣ ва идораи амволи давлатии Ҷумҳурии Тоҷикистон барои ҷойгиркунии Муассиса бинои зарурӣ ҷудо намояд.