Ҳукумати Ҷумҳурии Тоҷикистон

ҚАРОР

Оид ба ворид намудани илова ба қарори Ҳукумати Ҷумҳурии Тоҷикистон аз 16 июли соли 2012, № 367

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" ва бо мақсади танзими гардиши мол (кору хизматрасонӣ) тавассути қаламрави гумрукии Ҷумҳурии Тоҷикистон, таъмини бехатарии ҳаракат дар роҳҳо, Ҳукумати Ҷумҳурии Тоҷикистон қарор мекунад:

Ба қисми воридоти Номгӯи молҳое (кор ва хизматрасоние), ки содирот, воридот ва транзити онҳо бо қарори Ҳукумати Ҷумҳурии Тоҷикистон амалӣ карда мешавад ва бо қарори Ҳукумати Ҷумҳурии Тоҷикистон аз 16 июли соли 2012, № 367 тасдиқ шудааст, банди 10 бо мазмуни зайл илова карда шавад:

"10. Сигналҳои махсуси овозӣ ва нурафшон барои воситаҳои нақлиёт".