Бо қарори Ҳукумати ҶТ аз 3.07.2014 № 437 аз эътибор соқит дониста шуд.

Ҳукумати Ҷумҳурии Тоҷикистон

ҚАРОР

Дар бораи ворид намудани тағйирот ба қарори Ҳукумати Ҷумҳурии Тоҷикистон аз 20 ноябри соли 2012, №661

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

Ба қарори Ҳукумати Ҷумҳурии Тоҷикистон аз 20 ноябри соли 2012, № 661 "Дар бораи идомаи татбиқи механизми таҷрибавии кӯмаки унвонии иҷтимоӣ ба оилаҳо ва шаҳрвандони камбизоат" тағйироти зерин ворид карда шавад:

1. Дар банди 1:

- калимаҳои "Аз 1 январи соли 2013 то 31 декабри соли 2014" ба калимаҳои "Аз 1 январи соли 2014" иваз карда шавад:

- калимаҳои "идома дода шавад" ба калимаҳои "идома дода шуда, механизми мазкур ҳамчунин дар ноҳияҳои Рӯшон, Роштқалъа ва Ишкошими Вилояти Мухтори Кӯҳистони Бадахшон, ноҳияҳои Мӯъминобод, Шӯрообод, Ховалинг, Балҷувон ва Панҷи вилояти Хатлон, шаҳрҳои Панҷакент, Конибодом ва ноҳияи Кӯҳистони Мастчоҳи вилояти Суғд, ноҳияҳоя Рашт, Ҷиргатол, Тоҷикобод ва Тавилдара ҷорӣ карда шавад" иваз карда шавад.

2. Дар банди 4 рақами "0,5" ба рақами "2" иваз карда шавад."

3. Вазорати меҳнат ва ҳифзи иҷтимоии аҳолии Ҷумҳурии Тоҷикистон дар мувофиқа бо Вазорати молияи Ҷумҳурии Тоҷикистон ва Бонки давлатии амонатгузории Ҷумҳурии Тоҷикистон "Амонатбонк" ҷиҳати ба санадҳои амалкунандаи дахлдори байнисоҳавии вобаста ба тартиботи таъину пардохт ва маблағгузории кӯмаки унвонии иҷтимоӣ ворид намудани тағйиру иловаҳои зарурӣ тадбирҳои амалӣ андешад.