Замимаи 2
Бо қарори Ҳукумати
Ҷумҳурии Тоҷикистон
аз 4 октябри соли 2013, № 443
тасдиқ шудааст
Низомномаи Комиссияи доимоамалкунандаи байниидоравӣ оид ба муқовимат ба қонунигардонӣ (расмикунонӣ)-и даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом
(қарори Ҳукумати ҶТ аз 3.08.2017 № 370, аз 28.03.2024 № 186)
1. Муқаррароти умумӣ
1. Комиссияи доимоамалкунандаи байниидоравӣ оид ба муқовимат ба қонунигардонӣ (расмикунонӣ)-и даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом (минбаъд - Комиссия) мақоми машваратӣ буда, бо қарори Ҳукумати Ҷумҳурии Тоҷикистон таъсис дода мешавад
2. Фаъолияти Комиссия дар асоси Конститутсияи Ҷумҳурии Тоҷикистон, дигар санадҳои меъёрии ҳуқуқии Ҷумҳурии Тоҷикистон, санадҳои ҳуқуқии байналмилалие, ки Тоҷикистон онҳоро эътироф намудааст ва Низомномаи мазкур амалӣ карда мешавад .
2. Вазифа ва ҳуқуқҳои асосии Комиссия
3. Вазифаҳои асосии Комиссия инҳо мебошанд:
- манзур намудани пешниҳодот дар самти таҳия ва татбиқи сиёсати ягонаи давлатӣ дар соҳаи муқовимат ба қонунигардонӣ (расмикунонӣ)-и даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом
- таҳия ва тасдиқи нақшаҳои солонаи маҷмӯии корӣ дар соҳаи муқовимат ба қонунигардонӣ (расмикунонӣ)-и даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом
- ҳамоҳангсозии таҳия ва баррасии лоиҳаи санадҳои меъёрии ҳуқуқии дахлдор дар соҳаи муқовимат ба қонунигардонӣ (расмикунонӣ)-и даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом ва барои мувофиқа ба мақомоти дахлдор пешниҳод намудани онҳо
- омӯзишу таҳлили масъалаҳои соҳаи муқовимат ба қонунигардонӣ (расмикунонӣ)-и даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом
- ҳамоҳангсозии фаъолияти мақомоти давлатӣ, корхонаҳо, муассисаҳо, дигар ташкилотҳо дар соҳаи муқовимат ба қонунигардонӣ (расмикунонӣ)-и даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом
- ташкили ҳамкорӣ бо мақомоти давлатҳои хориҷӣ ва ташкилотҳои хориҷӣ дар соҳаи муқовимат ба қонунигардонӣ (расмикунонӣ)-и даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом ;
- ҳамоҳангсозии фаъолияти мақомоти давлатӣ, корхонаҳо, муассисаҳо ва ташкилотҳо ҷиҳати баҳодиҳии хавфҳо дар соҳаи муқовимат ба қонунигардонӣ (расмикунонӣ)-и даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи катли ом ;
- пешниҳоди маълумот оид ба натиҷаҳои фаъолияти мақомоти давлатӣ ва ташкилотҳо барои баҳодиҳии хавфҳо дар соҳаи муқовимат ба қонунигардонӣ (расмикунонӣ)-и даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом ;
- ҳамоҳангсозии омӯзиш ва таҳлили тамоюлҳо ва типологияҳо дар соҳаи муқовимат ба қонунигардонӣ (расмикунонӣ)-и даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом;
- ҳамоҳангсозии гузарондани баҳодиҳии хавфҳои маблағгузории терроризм дар сохторҳои ғайритиҷоратӣ, ки аз ҷониби мақомоти назораткунандаи сохторҳои ғайритиҷоратӣ якҷо бо мақоми ваколатдор ва мақомоти ҳифзи ҳуқуқ амалӣ карда мешавад ;
- иҷрои дигар вазифаҳо, ки аз санадҳои меъёрии ҳуқуқӣ бармеоянд.
4. Комиссия бо мақсади ҳалли вазифаҳои худ ҳуқуқ дорад:
- бо мақсади мусоидат ба кори Комиссия дар ҳайати мутахассисон ва коршиносони мақомоти давлатӣ, корхонаҳо, муассисаҳо ва ташкилотҳо гурӯҳҳои кории муваққатӣ ва доимоамалкунандае, ки аъзои Комиссия ба онҳо роҳбарӣ мекунанд, ташкил намояд ;
- аз вазорату идораҳо, корхонаҳо, муассисаҳо ва дигар ташкилотҳо маълумотҳои заруриро доир ба баҳодиҳии хавфҳо дар соҳаи муқовимат ба қонунигардонӣ (расмикунонӣ)-и даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом дархост ва дастрас намояд ;
- бо мақсади ҳамоҳангсозии фаъолияти мақоми ваколатдор, мақомоти назоратӣ ва субъектҳои ҳисоботдиҳанда шурои комплаенсро таъсис диҳад ва низомномаи онро тасдиқ намояд;
- ҳисобот ва методологияҳои баҳодиҳии хавфҳоро дар соҳаи муқовимат ба қонунигардонӣ (расмикунонӣ)-и даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом омода ва тасдиқ намояд;
- аз рӯйи иҷрои қарорҳои Комиссия дар доираи ваколатҳои худ назорат намояд ;
- пешниҳодоти мақомоти давлатӣ, мақомоти худидоракунии шаҳрак ва деҳот, шахсони воқеӣ ва ҳуқуқиро оид ба масъалаҳои муқовимат ба қонунигардонӣ (расмикунонӣ)-и даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом омӯхта, ҷамъбаст намояд .
3. Ваколатҳои Роҳбар ва аъзои Комиссия
5. Роҳбари Комиссия ваколатҳои зеринро дорад:
- Комиссияро дар робита бо дигар мақомот ва ташкилотҳо намояндагӣ менамояд;
- ба фаъолияти Комиссия роҳбарӣ мекунад;
- ба Ҳукумати Ҷумҳурии Тоҷикистон пешниҳодоти (лоиҳаҳои санадҳои меъёрии ҳуқуқии) омоданамудаи Комиссия, ҳисобот ва маълумоти вобаста ба фаъолияти Комиссияро ирсол менамояд;
- макон, сана ва вақти баргузории ҷаласаи Комиссияро муайян намуда, рӯзномаи онро пешниҳод менамояд;
- ҷаласаҳои Комиссияро даъват намуда, ба онҳо раисӣ мекунад;
- дар мавриди зарурат, бо ташаббуси худ ё пешниҳоди аъзои Комиссия намояндагони мақомоти давлатӣ, муассисаҳои илмӣ-таҳқиқотӣ ва дигар ташкилотҳоро барои иштирок ба маҷлиси Комиссия бо ҳуқуқи овози машваратӣ даъват менамояд;
- дар доираи ваколатҳои худ бо ҳайатҳои расмии хориҷӣ вобаста ба масъалаҳо дар соҳаи муқовимат ба қонунигардонӣ (расмикунонӣ)-и даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом вохӯриҳо гузаронида, бо тартиби муқарраргардида ҳамкориҳоро амалӣ намояд ;
- вазифаҳоро дар байни аъзои Комиссия тақсим менамояд;
- ба аъзои Комиссия дар доираи ваколатҳои худ супориш медиҳад ва иҷрои онро назорат менамояд ;
- дигар ваколатҳои пешбининамудаи санадҳои меъёрии ҳуқуқиро иҷро менамояд.
6. Ваколатҳои аъзои Комиссия:
- дар банақшагирии кори Комиссия ва омода намудани рӯзномаи ҷаласаҳо, муҳокимаи масъалаҳо иштирок намуда, пешниҳод манзур менамоянд;
- дар фаъолияти гурӯҳҳои корие, ки аз тарафи Комиссия ташкил мешаванд, иштирок менамоянд;
- дар таҳия ва баррасии лоиҳаи ҳуҷҷатҳое, ки ба ҷаласаи Комиссия пешниҳод карда мешаванд, иштирок мекунанд;
- фаъолияти самаранок ва муштаракро доир ба масъалаҳои муқовимат ба қонунигардонӣ (расмикунонӣ)-и даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом дар доираи ӯҳдадории вазифавии худ вобаста ба талабот ва тартиби дар Низомномаи мазкур муқарраргардида амалӣ менамоянд ;
- ба корҳое, ки дар соҳаи муқовимат ба қонунигардонӣ (расмикунонӣ)-и даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом дар соҳаи ба онҳо дахлдор бурда мешаванд, бо тартиби муқарарнамудаи қонунгузории Ҷумҳурии Тоҷикистон назорат мебаранд ;
- дигар ваколатҳои пешбининамудаи санадҳои меъёрии ҳуқуқиро иҷро менамоянд.
4. Тартиби даъват намудани ҷаласаҳои Комиссия ва қабули қарорҳо
7. Ҷаласаҳои Комиссия аз тарафи Роҳбари Комиссия аз рӯи зарурат ё дар асоси ҷадвали тасдиқкардаи Комиссия, вале на камтар аз як маротиба дар як сол даъват карда мешаванд. Ҷаласаҳои ғайринавбатии Комиссия имкон дорад мувофиқи дастури Роҳбар ё ё бо дархости яке аз аъзои Комиссия даъват карда шаванд .
8. Ҷаласаи Комиссия дар ҳолате салоҳиятнок шуморида мешавад, агар дар ҷаласа на камтар аз се ду ҳиссаи аъзои Комиссия иштирок намоянд.
9. Дар ҷаласаҳои Комиссия дар вақти баррасии масъалаҳои алоҳида шахсони даъватшуда иштирок менамоянд, ки рӯйхати онҳо аз рӯи ин масъалаҳо мувофиқи рӯзномаи ҷаласаи Комиссия муқаррар карда мешавад. Дар ҷаласаҳои пӯшидаи Комиссия фақат аъзои Комиссия иштирок карда метавонанд.
10. Рӯзномаи ҷаласа ва ҳуҷҷатҳои масъалаҳои муҳокимашаванда на дертар аз се рӯзи корӣ пеш аз ҷаласа ба аъзои Комиссия пешниҳод мегарданд.
11. Аз рӯи натиҷаи масъалаҳои муҳокимагардида Комиссия қарори протоколӣ қабул менамояд, ки он барои баррасӣ ба мақомоти давлатӣ, корхонаҳо, муассисаҳо, дигар ташкилотҳои дахлдор ирсол карда мешавад.
12. Қарори Комиссия тариқи овоздиҳии кушода бо овози аксарияти аъзои Комиссия, ки дар ҷаласа иштирок доранд, қабул карда мешавад. Агар ягон аъзои Комиссия доир ба қарори қабулкардаи Комиссия фикру мулоҳизаи махсус дошта бошад, он гоҳ ин фикру мулоҳиза ба қарори Комиссия замима карда мешаванд.
5. Пешбурди ҷаласаҳои Комиссия
13. Ҷаласаи Комиссияро Роҳбари Комиссия пеш мебарад. Роҳбари Комиссия дар рафти ҷаласа муҳокимаи масъалаҳои рӯзнома ва мубодилаи афкорро ташкил намуда, лоиҳаи қарорҳои Комиссияро баъд аз баррасии онҳо ба овоз мегузорад.
14. Протоколи ҷаласаҳои Комиссия аз ҷониби Котиби Комиссия бурда мешавад.
15. Аъзои Комиссия метавонанд, пешниҳоди шифоҳии худро вобаста ба рӯзнома то тасдиқи он пешниҳод намоянд. Баъд аз тасдиқи рӯзнома Комиссия бо навбат ба муҳокимаи масъалаҳои рӯзнома мегузарад.
16. Оид ба масъалаи пешниҳодшуда аз тарафи шахси вобастакардашуда маърӯза карда шуда, ба муҳокимаи аъзои Комиссия ва иштирокчиёни ҷаласа пешниҳод карда мешавад.
17. Аз натиҷаи баррасӣ қарор қабул карда мешавад.
18. Протоколи ҷаласаҳо аз ҷониби Роҳбари Комиссия дар мӯҳлати 7 рӯз имзо гардида, ба аъзои Комиссия фиристода мешаванд.
19. Бо баробари гирифтани протокол аъзои Комиссия дар мӯҳлати 7 рӯз эроду мулоҳизаҳои ниҳоии худро ба таври хаттӣ ба Роҳбари Комиссия пешниҳод менамоянд.
6. Фаъолияти гурӯҳҳои кории назди Комиссия
20. Комиссия бо мақсади мусоидат ба кори Комиссия ва ҳалли масъалаҳои вобаста ба муқовимат ба қонунигардонӣ (расмикунонӣ)-и даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом ҳуқуқ дорад дар ҳайати мутахассисон ва коршиносони мақомоти давлатӣ, корхонаҳо, муассисаҳо ва ташкилотҳо гурӯҳҳои кории муваққатӣ ва доимоамалкунанда ташкил намояд, ки ба он аъзои Комиссия роҳбарӣ мекунанд .
21. Гуруҳҳои корӣ дар мувофиқа бо Роҳбари Комиссия бо мақсади амалӣ намудани фаъолияти Комиссия ҳуқуқ доранд аз вазорату идораҳо, корхонаҳо, муассисаҳо ва дигар ташкилотҳо маълумоти заруриро доир ба баҳодиҳии хавфҳо дар соҳаи муқовимат ба қонунигардонӣ (расмикунонӣ)-и даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом дархост ва дастрас намоянд .
22. Рафти ҷаласаҳои гурӯҳи корӣ протокол карда шуда, натиҷаи онҳо ба Роҳбари Комиссия пешниҳод мегарданд.
7. Муқаррароти хотимавӣ
23. Таъминоти ташкилӣ ва моддӣ-техникии фаъолияти Комиссия аз ҷониби мақоми ваколатдори муқовимат ба қонунигардонӣ (расмикунонӣ)-и даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом амалӣ карда шуда, барои ин фаъолият котиби Комиссия масъул мебошад .
Замимаи 2
Бо қарори Ҳукумати
Ҷумҳурии Тоҷикистон
аз 4 октябри соли 2013, № 443
тасдиқ шудааст
Низомномаи Комиссияи доимоамалкунандаи байниидоравӣ оид ба муқовимат ба қонунигардонии (расмикунонии) даромадҳои бо роҳи ҷиноят бадастоварда ва маблағгузории терроризм
1. Муқаррароти умумӣ
1. Комиссияи доимоамалкунандаи байниидоравӣ оид ба муқовимат ба қонунигардонии (расмикунонии) даромадҳои бо роҳи ҷиноят бадастоварда ва маблағгузории терроризм (минбаъд - Комиссия) мақоми машваратӣ буда, бо қарори Ҳукумати Ҷумҳурии Тоҷикистон таъсис дода мешавад.
2. Фаъолияти Комиссия дар асоси Конститутсияи (Сарқонуни) Ҷумҳурии Тоҷикистон, дигар санадҳои меъёрии ҳуқуқии Ҷумҳурии Тоҷикистон, санадҳои ҳуқуқии байналмилалие, ки Тоҷикистон онҳоро эътироф намудааст ва Низомномаи мазкур амалӣ карда мешавад.
2. Вазифа ва ҳуқуқҳои асосии Комиссия
3. Вазифаҳои асосии Комиссия инҳо мебошанд:
- манзур намудани пешниҳодот дар самти таҳия ва татбиқи сиёсати ягонаи давлатӣ дар соҳаи муқовимат ба қонунигардонии (расмикунонии) даромадҳои бо роҳи ҷиноят бадастоварда ва маблағгузории терроризм;
- таҳия ва тасдиқи нақшаҳои солонаи маҷмӯии корӣ дар соҳаи муқовимат ба қонунигардонии (расмикунонии) даромадҳои бо роҳи ҷиноят бадастоварда ва маблағгузории терроризм;
- таҳия ва баррасии лоиҳаи санадҳои меъёрии ҳуқуқии дахлдор дар соҳаи муқовимат ба қонунигардонии (расмикунонии) даромадҳои бо роҳи ҷиноят бадастоварда ва маблағгузории терроризм ва барои мувофиқа ба мақомоти дахлдор пешниҳод намудани онҳо;
- омӯзишу таҳлили масъалаҳои соҳаи муқовимат ба қонунигардонии (расмикунонии) даромадҳои бо роҳи ҷиноят бадастоварда ва маблағгузории терроризм;
- ҳамоҳангсозии фаъолияти мақомоти давлатӣ, корхонаҳо, муассисаҳо, дигар ташкилотҳо дар соҳаи муқовимат ба қонунигардонии (расмикунонии) даромадҳои бо роҳи ҷиноят бадастоварда ва маблағгузории терроризм;
- ташкили ҳамкорӣ бо мақомоти давлатҳои хориҷӣ ва ташкилотҳои хориҷӣ дар соҳаи муқовимат ба қонунигардонии (расмикунонии) даромадҳои бо роҳи ҷиноят бадастоварда ва маблағгузории терроризм;
- иҷрои дигар вазифаҳо, ки аз санадҳои меъёрии ҳуқуқӣ бармеоянд.
4. Комиссия бо мақсади ҳалли вазифаҳои худ ҳуқуқ дорад:
- бо мақсади мусоидат ба кори Комиссия дар ҳайати мутахассисони мақомоти давлатӣ ва коршиносон гурӯҳҳои корие, ки аъзои Комиссия ба онҳо роҳбарӣ мекунанд, ташкил намояд;
- аз вазорату идораҳо, корхонаҳо, муассисаҳо ва дигар ташкилотҳо маълумотҳои заруриро доир ба соҳаи муқовимат ба қонунигардонии (расмикунонии) даромадҳои бо роҳи ҷиноят бадастоварда ва маблағгузории терроризм дархост ва дастрас намояд;
- пешниҳодоти мақомоти давлатӣ, мақомоти худидоракунии шаҳрак ва деҳот, шахсони воқеӣ ва ҳуқуқиро оид ба масъалаҳои муқовимат ба қонунигардонии (расмикунонии) даромадҳои бо роҳи ҷиноят бадастоварда ва маблағгузории терроризм омӯхта, ҷамъбаст намояд.
3. Ваколатҳои Роҳбар ва аъзои Комиссия
5. Роҳбари Комиссия ваколатҳои зеринро дорад:
- Комиссияро дар робита бо дигар мақомот ва ташкилотҳо намояндагӣ менамояд;
- ба фаъолияти Комиссия роҳбарӣ мекунад;
- ба Ҳукумати Ҷумҳурии Тоҷикистон пешниҳодоти (лоиҳаҳои санадҳои меъёрии ҳуқуқии) омоданамудаи Комиссия, ҳисобот ва маълумоти вобаста ба фаъолияти Комиссияро ирсол менамояд;
- макон, сана ва вақти баргузории ҷаласаи Комиссияро муайян намуда, рӯзномаи онро пешниҳод менамояд;
- ҷаласаҳои Комиссияро даъват намуда, ба онҳо раисӣ мекунад;
- дар мавриди зарурат, бо ташаббуси худ ё пешниҳоди аъзои Комиссия намояндагони мақомоти давлатӣ, муассисаҳои илмӣ-таҳқиқотӣ ва дигар ташкилотҳоро барои иштирок ба маҷлиси Комиссия бо ҳуқуқи овози машваратӣ даъват менамояд;
- дар доираи ваколатҳои худ бо ҳайатҳои расмии хориҷӣ вобаста ба масъалаҳо дар соҳаи муқовимат ба қонунигардонии (расмикунонии) даромадҳои бо роҳи ҷиноят бадастоварда ва маблағгузории терроризм вохӯриҳо гузаронида, бо тартиби муқарраргардида ҳамкориҳоро амалӣ намояд;
- вазифаҳоро дар байни аъзои Комиссия тақсим менамояд;
- дигар ваколатҳои пешбининамудаи санадҳои меъёрии ҳуқуқиро иҷро менамояд.
6. Ваколатҳои аъзои Комиссия:
- дар банақшагирии кори Комиссия ва омода намудани рӯзномаи ҷаласаҳо, муҳокимаи масъалаҳо иштирок намуда, пешниҳод манзур менамоянд;
- дар фаъолияти гурӯҳҳои корие, ки аз тарафи Комиссия ташкил мешаванд, иштирок менамоянд;
- дар таҳия ва баррасии лоиҳаи ҳуҷҷатҳое, ки ба ҷаласаи Комиссия пешниҳод карда мешаванд, иштирок мекунанд;
- фаъолияти самаранок ва муштаракро доир ба масъалаҳои муқовимат ба қонунигардонии (расмикунонии) даромадҳои бо роҳи ҷиноят бадастоварда ва маблағгузории терроризм дар доираи ӯҳдадории вазифавии худ вобаста ба талабот ва тартиби дар Низомномаи мазкур муқарраргардида амалӣ менамоянд;
- ба корҳое, ки дар соҳаи муқовимат ба қонунигардонии (расмикунонии) даромадҳои бо роҳи ҷиноят бадастоварда ва маблағгузории терроризм дар соҳаи ба онҳо дахлдор бурда мешаванд, бо тартиби муқарарнамудаи қонунгузории Ҷумҳурии Тоҷикистон назорат мебаранд;
- дигар ваколатҳои пешбининамудаи санадҳои меъёрии ҳуқуқиро иҷро менамоянд.
4. Тартиби даъват намудани ҷаласаҳои Комиссия ва қабули қарорҳо
7. Ҷаласаҳои Комиссия аз тарафи Роҳбари Комиссия аз рӯи зарурат ё дар асоси ҷадвали тасдиқкардаи Комиссия, вале на камтар аз як маротиба дар шаш моҳ даъват карда мешаванд. Ҷаласаҳои ғайринавбатии Комиссия имкон дорад мувофиқи дастури Роҳбар ё яке аз аъзои Комиссия даъват карда шаванд.
8. Ҷаласаи Комиссия дар ҳолате салоҳиятнок шуморида мешавад, агар дар ҷаласа на камтар аз се ду ҳиссаи аъзои Комиссия иштирок намоянд.
9. Дар ҷаласаҳои Комиссия дар вақти баррасии масъалаҳои алоҳида шахсони даъватшуда иштирок менамоянд, ки рӯйхати онҳо аз рӯи ин масъалаҳо мувофиқи рӯзномаи ҷаласаи Комиссия муқаррар карда мешавад. Дар ҷаласаҳои пӯшидаи Комиссия фақат аъзои Комиссия иштирок карда метавонанд.
10. Рӯзномаи ҷаласа ва ҳуҷҷатҳои масъалаҳои муҳокимашаванда на дертар аз се рӯзи корӣ пеш аз ҷаласа ба аъзои Комиссия пешниҳод мегарданд.
11. Аз рӯи натиҷаи масъалаҳои муҳокимагардида Комиссия қарори протоколӣ қабул менамояд, ки он барои баррасӣ ба мақомоти давлатӣ, корхонаҳо, муассисаҳо, дигар ташкилотҳои дахлдор ирсол карда мешавад.
12. Қарори Комиссия тариқи овоздиҳии кушода бо овози аксарияти аъзои Комиссия, ки дар ҷаласа иштирок доранд, қабул карда мешавад. Агар ягон аъзои Комиссия доир ба қарори қабулкардаи Комиссия фикру мулоҳизаи махсус дошта бошад, он гоҳ ин фикру мулоҳиза ба қарори Комиссия замима карда мешаванд.
5. Пешбурди ҷаласаҳои Комиссия
13. Ҷаласаи Комиссияро Роҳбари Комиссия пеш мебарад. Роҳбари Комиссия дар рафти ҷаласа муҳокимаи масъалаҳои рӯзнома ва мубодилаи афкорро ташкил намуда, лоиҳаи қарорҳои Комиссияро баъд аз баррасии онҳо ба овоз мегузорад.
14. Протоколи ҷаласаҳои Комиссия аз ҷониби Котиби Комиссия бурда мешавад.
15. Аъзои Комиссия метавонанд, пешниҳоди шифоҳии худро вобаста ба рӯзнома то тасдиқи он пешниҳод намоянд. Баъд аз тасдиқи рӯзнома Комиссия бо навбат ба муҳокимаи масъалаҳои рӯзнома мегузарад.
16. Оид ба масъалаи пешниҳодшуда аз тарафи шахси вобастакардашуда маърӯза карда шуда, ба муҳокимаи аъзои Комиссия ва иштирокчиёни ҷаласа пешниҳод карда мешавад.
17. Аз натиҷаи баррасӣ қарор қабул карда мешавад.
18. Протоколи ҷаласаҳо аз ҷониби Роҳбари Комиссия дар мӯҳлати 7 рӯз имзо гардида, ба аъзои Комиссия фиристода мешаванд.
19. Бо баробари гирифтани протокол аъзои Комиссия дар мӯҳлати 7 рӯз эроду мулоҳизаҳои ниҳоии худро ба таври хаттӣ ба Роҳбари Комиссия пешниҳод менамоянд.
6. Фаъолияти гурӯҳҳои кории назди Комиссия
20. Комиссия бо мақсади мусоидат ба кори Комиссия ва ҳалли масъалаҳои вобаста ба муқовимат ба қонунигардонии (расмикунонии) даромадҳои бо роҳи ҷиноят бадастоварда ва маблағгузории терроризм ҳуқуқ дорад дар ҳайати мутахассисони мақомоти давлатӣ ва коршиносон гурӯҳҳои корӣ ташкил намояд, ки ба он аъзои Комиссия роҳбарӣ мекунанд.
21. Гуруҳҳои корӣ дар мувофиқа бо Роҳбари Комиссия бо мақсади амалӣ намудани фаъолияти Комиссия ҳуқуқ доранд аз вазорату идораҳо, корхонаҳо, муассисаҳо ва дигар ташкилотҳо маълумоти заруриро доир ба соҳаи муқовимат ба қонунигардонии (расмикунонии) даромадҳои бо роҳи ҷиноят бадастоварда ва маблағгузории терроризм дархост ва дастрас намоянд.
22. Рафти ҷаласаҳои гурӯҳи корӣ протокол карда шуда, натиҷаи онҳо ба Роҳбари Комиссия пешниҳод мегарданд.
7. Муқаррароти хотимавӣ
23. Таъминоти ташкилӣ ва моддӣ-техникии фаъолияти Комиссия аз ҷониби мақоми ваколатдори муқовимат ба қонунигардонии (расмикунонии) даромадҳои бо роҳи ҷиноят бадастоварда ва маблағгузории терроризм амалӣ карда шуда, барои ин фаъолият котиби Комиссия масъул мебошад.
