Бо қарори Ҳукумати ҶТ аз 29.08.2015 № 551 аз эътибор соқит дониста шуд.

Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 29 декабри соли 2012, № 772 "Дар бораи Қоидаҳои конвертатсияи (бадалкунии) ҳукуқҳои нафақавии шахсони суғурташуда ба сармояи шартии нафақавӣ"

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Ба Қоидаҳои конвертатсияи (бадалкунии) ҳуқуқҳои нафақавии шахсони суғурташуда ба сармояи шартии нафақавӣ, ки бо қарори Ҳукумати Ҷумҳурии Тоҷикистон аз 29 декабри соли 2012, № 772 тасдиқ гардидааст, тағйироту иловаҳои зерин ворид карда шавад:

- банди 2 дар таҳрири зайл ифода карда шавад:

"Конвертатсияи (бадалкунии) ҳуқуқҳои нафақавӣ ба сармояи шартии нафақавӣ ва ҳисобӣ шудани он ба ҳисобномаи инфиродии шахси суғурташуда ба ҳамаи ашхоси суғурташуда, ба истиснои мардони то 1 январи соли 1954 ва занони то 1 январи соли 1959 таваллудшуда, ки дар ҳудуди Иттиҳоди Ҷумҳурии Шӯравии Сотсиалистӣ ва Ҷумҳурии Тоҷикистон то 1 январи соли 1999 меҳнат кардаанд, дар ҳолати баромадан ба нафақа аз рӯи синну сол аз рӯи меъёрҳои муқарраргардидаи Қонуни Ҷумҳурии Тоҷикистон "Дар бораи таъмини нафақаи шаҳрвандон" амалӣ мегардад;

- ҷумлаи дуюми банди 3 бо банди ҷудогона ифода карда шавад;

- дар сархати дуюми банди 4 матн баъд аз ибораи "ҳуқуқҳои нафақавии шаҳрвандон" ба "ифодаи пулӣ ба ҳолати 1 январи соли 1999, эквивалентӣ маблағи саҳмҳои нафақавии пардохтгардида;" иваз карда шавад;

- банди 14 хориҷ карда шавад;

- дар банди 22 калимаҳои "оид ба собиқаи меҳнатии корманд" хориҷ карда шавад;

- боби 7 хориҷ карда шавад;

- банди 36 дар таҳрири нав ифода карда шавад:

Сармояи шартии нафақавӣ бо сомонӣ то соли 1999 аз рӯи формулаи зерин ҳисоб карда мешавад:

           СШН1999 = Кшахсӣ *К +1992 * 40 + К-1992*20 + К1992-1999 * 60, ки

Кшахсӣ - коэффитсенти шахсӣ, ки ҳамчун таносуби музди миёнаи меҳнати шахси суғурташуда барои давраи то 1 январи соли 1992 ба 179 (бо рубли шуравӣ) ҳисобӣ карда мешавад.

К+1992 - шумораи моҳҳои собиқаи меҳнатии шахси суғурташуда то 1 январи соли 1992, ки барои он маълумот оид ба музди меҳнат пешниҳод карда шудааст;

К-1992- шумораи моҳҳои собиқаи меҳнатии шахси суғурташуда то 1 январи соли 1992, ки барои он маълумот оид ба музди меҳнат пешниҳод нагардидааст;

К1992 -1999 - миқдори моҳҳои собиқаи меҳнатӣ аз 1 январи соли 1992 то 1 январи соли 1999;

40 - саҳми суғурта бо сомонӣ, ки ба шахси суғурташуда барои ҳар як моҳи собиқаи меҳнатӣ ҳангоми мавҷудияти маълумот оид ба музди меҳнат ҳисобӣ мешавад;

20 - саҳми суғурта бо сомонӣ, ки ба шахси суғурташуда барои ҳар як моҳи собиқаи меҳнатӣ ҳангоми пешниҳод накардани маълумоти музди меҳнат ҳисобӣ мешавад;

60 - саҳми суғурта бо сомонӣ, ки ба шахси суғурташуда барои ҳар як моҳи собиқаи меҳнатӣ аз 1 январи соли 1992 то 1 январи соли 1999 ҳисобӣ шудааст.

2. Сармояи шартии нафақавии то соли 1999 бадастомада бо тартиби қоидаҳои дастурамали мазкур индексатсия карда мешавад.

3. Ба ҳолати 1 январи соли 2013 ба суратҳисоби шахсии шахсони суғурташуда сармояи шартии нафақавии муосир ба андозаи

                           СШН2013 = СШН1999 + S, ки

СШН1999 - сармояи шартии нафақавии шахси суғурташуда ба ҳолати 1 январи соли 1999, ки баъд аз конвертатсияи (бадалкунии) ҳуқуқҳои нафақавии он ба даст омадааст;

S - маблағе, ки баъд аз индексатсияи сармояи шартии нафақавии то соли 1999 ҳосил шудааст.

- банди 37 хориҷ карда шавад;

- дар банди 38 баъд аз калимаҳои "маълумотҳо доир ба даромадҳо" калима ва рақамҳои "то давраи 1992" илова карда шуда, формула ба намуди зерин иваз карда шавад:

                  "СШН1999 = К1992 *10+К1992- 1999 * 60, ки

К1992 -шумораи моҳҳои собиқаи меҳнатӣ то 1 январи соли 1992;

К1992-1999-шумораи моҳҳои собиқаи меҳнатии шахси суғурташуда аз 9 сентябри соли 1992 то 1январи соли 1999;

10 - саҳми суғурта бо сомонӣ, ки ба шахси суғурташуда барои ҳар як моҳи собиқаи меҳнатӣ барои давраи то 1 январи соли 1992 ҳисобӣ шудааст;

60 - саҳми суғурта бо сомонӣ, ки ба шахси суғурташуда барои ҳар як моҳи собиқаи меҳнатӣ аз 1 январи соли 1992 то 1 январи соли 1999 ҳисобӣ шудааст."

- банди 39 хориҷ карда шавад;

- дар банди 40 Қоидаҳо бо забони тоҷикӣ рақам ва аломати "1 %" ба рақам ва аломати "13%" иваз карда шавад;

- банди 41 дар таҳрири нав ифода карда шавад:

"Коэффитсиенти индексатсияи сармояи шартии нафақавии то соли 1999 ба андозаи 1,69 муқаррар карда шуда, аз рӯи формулаи зерин ҳисобӣ карда шавад: S = 1,69 * СШН1999.";

- дар банди 43 калимаи "зерсохторҳо" ба калимаи "раёсатҳо" иваз карда шавад.