Тартиби пардохти суғуртапулии якдафъаина ба узви Маҷлиси миллӣ ва вакили Маҷлиси намояндагони Маҷлиси Олии Ҷумҳурии Тоҷикистон

1. Қоидаҳои умумӣ

1. Суғуртаи ҳатмии давлатии узви Маҷлиси миллӣ ва вакили Маҷлиси намояндагони Маҷлиси Олии Ҷумҳурии Тоҷикистон мувофиқи муқаррароти пешбининамудаи Қонуни конститутсионии Ҷумҳурии Тоҷикистон "Дар бораи Маҷлиси Олии Ҷумҳурии Тоҷикистон", Қонуни конститутсионии Ҷумҳурии Тоҷикистон "Дар бораи вазъи ҳуқуқии узви Маҷлиси миллӣ ва вакили Маҷлиси намояндагони Маҷлиси Олии Ҷумҳурии Тоҷикистон" ва дигар санадҳои меъёрии ҳуқуқӣ амалӣ мегардад.

2. Ҳаёт ва саломатии узви Маҷлиси миллӣ ва вакили Маҷлиси намояндагони Маҷлиси Олии Ҷумҳурии Тоҷикистон дар давраи иҷрои ваколатҳояш аз ҳисоби маблағҳои буҷети ҷумҳуриявӣ мавриди суғуртаи ҳатмии давлатӣ қарор мегирад.

3. Раиси Маҷлиси миллӣ ва Раиси Маҷлиси намояндагони Маҷлиси Олии Ҷумҳурии Тоҷикистон аз рӯзи ба ин вазифа интихоб шуданашон то ба охир расидани ваколатҳояшон, ё то давраи пеш аз мӯҳлат супоридани ваколатҳо ва ё то бозхондан суғурташуда ҳисоб меёбанд.

4. Узви Маҷлиси миллӣ ва вакили Маҷлиси намояндагони Маҷлиси Олии Ҷумҳурии Тоҷикистон дар давраи иҷрои ваколатҳояш, ки қонунгузорӣ муайян намудааст, суғурташуда ҳисоб меёбанд. Дар асоси қабул шудани қарори дахлдори Маҷлиси миллии Маҷлиси Олии Ҷумҳурии Тоҷикистон ва Маҷлиси намояндагони Маҷлиси Олии Ҷумҳурии Тоҷикистон оиди супоридани ваколатҳои узви Маҷлиси миллӣ ва вакили Маҷлиси намояндагони Маҷлиси Олии Ҷумҳурии Тоҷикистон суғурта аз рӯзи қабули ин қарор қатъ мегардад.

5. Мафҳумҳои асосие, ки дар Тартиби мазкур истифода шудаанд:

суғуртаи ҳатмии давлатӣ - суғуртае, ки аз ҳисоби буҷети давлатӣ маблағгузорӣ карда мешавад;

суғурта - муносибатҳо оид ба ҳимояи манфиатҳои шахсони воқеӣ ва ҳуқуқӣ ҳангоми рух додани ҳодисаҳои суғуртавӣ;

полиси суғуртавӣ - ҳуҷҷати тасдиқкунандаи воқеан баста шудани шартномаи суғурта, ки суғуртакунанда ба суғурташаванда медиҳад;

маблағи суғуртавӣ - ҳадди ниҳоии масъулият, ки қонунгузории Ҷумҳурии Тоҷикистон муқаррар намудааст ва (ё) бо шартномаи суғурта муайян карда шудааст ва аз рӯи он андозаи ҳакқи суғуртавӣ ва пардохти суғуртавӣ муқаррар карда мешаванд;

ҳаққи суғуртавӣ - маблағи пулие, ки суғурташаванда бояд онро дар ҳаҷми муайяннамудаи шартномаи суғурта ба суғуртакунанда, ки ба зиммаи худ ӯҳдадории ба анҷом расонидани пардохти суғуртавиро нисбати суғурташаванда гирифтааст, пардохт намояд;

ҷуброни суғуртавӣ - маблағи пулие, ки қонунгузории Ҷумҳурии Тоҷикистон муқаррар намудааст ва (ё) бо шартномаи суғурта муайян карда шудааст ва суғуртакунанда онро ҳангоми рух додани ҳодисаи суғуртавӣ ба суғурташаванда, фоидагиранда мепардозад;

суғуртакунанда - шахси ҳуқуқӣ (ташкилоти суғуртавӣ), ки тибқи қонунгузории Ҷумҳурии Тоҷикистон дар асоси иҷозатномаи дахлдоре, ки мақоми ваколатдори давлатӣ додааст, фаъолияти суғуртавиро амалӣ менамояд;

суғурташаванда - шахси ҳуқуқие, ки тибқи шартномаи суғурта ҳаққи суғуртавиро ба суғуртакунанда пардохт менамояд;

шахси суғурташуда - узви Маҷлиси миллӣ ва вакили Маҷлиси намояндагони Маҷлиси Олии Ҷумҳурии Тоҷикистон, ки тибқи қонун ва шартномаи суғурта ҳангоми рух додани ҳодисаи суғуртавӣ дар доираи масъулияти суғурташуда ё маблағи суғуртавии дар шартнома зикргардида ҳуқуқи гирифтани ҷубронро дорад;

шартномаи суғурта - созишномаи хаттии байни суғурташаванда ва суғуртакунанда, ки дар асоси он суғурташаванда ӯҳдадор мешавад ҳаққи суғуртавиро дар мӯҳлати муқарраршуда пардозад,- суғуртакунанда бошад, ӯҳдадор мешавад, ки ҳангоми рух додани ҳодисаи суғуртавӣ нисбати суғурташаванда ё шахси дигаре, ки шартномаи суғурта ба манфиати ӯ баста шудааст, пардохти суғуртавиро амалӣ намояд;

ҳодисаи суғуртавӣ - ҳодисае, ки ҳангоми рух додани он тибқи қонун ва шартномаи суғурта суғуртакунанда ӯҳдадор аст, нисбат ба суғурташаванда, фоидагиранда ё шахсони сеюм пардохти суғуртавиро амалӣ намояд.

2.Ҳодисаҳои суғуртавӣ

6. Узви Маҷлиси миллӣ ва вакили Маҷлиси намояндагони Маҷлиси Олии Ҷумҳурии Тоҷикистон дар давраи иҷрои ваколатҳо, ҳангоми расидани осеб ба ҳаёт ва саломатӣ дар натиҷаи афтидан, садамаҳои нақлиёти автомобилӣ, обӣ, ҳавопаймоӣ ва роҳи оҳан, куштор, ғарқшавӣ, селфароӣ, тарма, гулӯгиршавӣ аз ғубори ангишт ва аз дуди сӯхтор, обхезӣ, газидани ҳайвонҳо, фурӯравии замин, таъсири қувваи барқ, зарбаи раъду барқ (шиддати электромагнитӣ), заминларза, сӯхтан, сардзанӣ бо суғуртаи ҳатмии давлатӣ фаро гирифта мешаванд.

7. Инчунин ҳангоми иҷрои ваколатҳои шахси суғурташуда дар натиҷаи ҳодисаҳои суғуртавии дар боло зикргардида (шикаст, осеби узвҳои босира, сомеа, нафаскашӣ, узвҳои такяву ҳаракат) бемор шуда, ба маъюбӣ гирифтор шавад, бо суғурта фаро гирифта мешавад.

8. Ҳолатҳое, ки маблағи суғуртавӣ пардохт намешавад:

- бардоштани ҷароҳат ё заҳролудшавӣ дар натиҷаи ба ҳаёт ва саломатиаш суиқасд намудани худи суғурташуда;

- агар марг аз беморӣ ё маъюбӣ, ки то тасдиқ шудани ваколатҳои узви Маҷлиси миллӣ ё вакили Маҷлиси намояндагони Маҷлиси Олии Ҷумҳурии Тоҷикистон ба амал омада бошад.

9. Баҳс оид ба рӯёнидани ҳаққи суғуртавии пардохтанашуда ва пардохти маблағи суғуртавӣ бо тартиби қонунгузории Ҷумҳурии Тоҷикистон баррасӣ карда мешаванд.

10. Маблағҳои суғуртавӣ ба Раиси Маҷлиси миллӣ ва Раиси Маҷлиси намояндагони Маҷлиси Олии Ҷумҳурии Тоҷикистон, узви Маҷлиси миллӣ ва вакили Маҷлиси намояндагони Маҷлиси Олии Ҷумҳурии Тоҷикистон танҳо дар ҳолати ба амал омадани ҳодисаҳои суғуртавӣ дода мешаванд.

3. Муайян намудани ҳаққи суғуртавӣ

11. Ҳаққи суғуртавӣ ба андозаи 0,5 фоизи фонди солонаи музди меҳнат муқаррар карда мешавад.

12. Ҳисоб ва муайянкунии ҳаққи суғуртавӣ оиди суғуртаи ҳатмии давлатии узви Маҷлиси миллӣ ва вакили Маҷлиси намояндагони Маҷлиси Олии Ҷумҳурии Тоҷикистон аз тарафи Корхонаи воҳиди давлатии "Тоҷиксуғурта" (минбаъд-КВД "Тоҷиксуғурта") гузаронида мешавад.

13. Барои гузаронидани ҳисоб КВД "Тоҷиксуғурта" аз Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон маълумотро оиди фонди солонаи музди меҳнат дархост намуда, руйхати узви Маҷлиси миллӣ ва вакили Маҷлиси намояндагони Маҷлиси Олии Ҷумҳурии Тоҷикистонро муайян менамояд, ки бо суғуртаи ҳатмии давлатӣ бояд фаро гирифта шаванд (замимаи 1).

14. Баъди ҳисоб ва муайянкунии ҳаққи суғуртавӣ аз тарафи КВД "Тоҷиксуғурта" ба Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон хабарнома оид ба бастани шартномаҳои суғуртавӣ равона карда мешавад (замимаи 2).

15. Ҳаққи суғуртавӣ аз буҷети ҷумҳуриявӣ пардохт карда мешавад, ки барои таъмини Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон пешбинӣ карда шудааст.

16. Баъд аз пардохт намудани ҳаққи суғуртавӣ аз тарафи Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон полиси суғуртавӣ ба Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон супурда мешавад.

17. Натиҷаҳои ҳисоб ва муайянкунии ҳаққи суғуртавӣ ҳар сол дар ҳисоботҳои омории муайяншуда қайд мегардад.

18. Агар ҳаққи суғуртавӣ ба андозаи зиёд ё кам пардохта шуда бошад, ҳаққи суғуртавии барзиёд баргардонида мешавад ё бо мувофиқаи Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон ба ҳисоби пардохтҳои соли ояндаи ҳаққи суғуртавӣ ҳисоб карда мешавад, ҳаққи суғуртавии кам гузаронидашудаи соли ҷорӣ ба суратҳисоби КВД "Тоҷиксуғурта" то пур шудан интиқол мегардад.

19. Назорат аз болои сари вақт пардохт намудани ҳаққи суғуртавии ҳисобшуда аз тарафи КВД "Тоҷиксуғурта" гузаронида мешавад.

20. Масъулияти сари вақт пардохт (интиқол) намудани ҳаққи суғуртавии ҳисобкардашуда, ба зиммаи кормандони масъули Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон гузошта мешавад.

4. Тартиби пешниҳоди ҳуҷҷатҳо барои гирифтани суғуртапулӣ

21. Дар ҳолати расидани осеб ба ҳаёт ва саломатии Раиси Маҷлиси миллӣ ва Раиси Маҷлиси намояндагони Маҷлиси Олии Ҷумҳурии Тоҷикистон, узви Маҷлиси миллӣ ва вакили Маҷлиси намояндагони Маҷлиси Олии Ҷумҳурии Тоҷикистон аз ҳодисаи суғуртавӣ, ариза аз ҷониби шахси суғурташуда ё ҳангоми фавти ӯ аз ҷониби вориси қонуниаш баъди воридшавӣ ба КВД "Тоҷиксуғурта" дар китоби бақайдгирии аризаҳо ва пардохти маблағи суғуртавӣ оиди суғуртаи ҳатмии давлатии узви Маҷлиси миллӣ ва вакилони Маҷлиси намояндагони Маҷлиси Олии Ҷумҳурии Тоҷикистон ба қайд гирифта мешавад.

22. Шахсони масъули Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон бояд барои тартибдиҳӣ ва пешниҳоди ҳуҷҷатҳои мувофиқ оиди ҳал намудани масъалаҳои пардохти маблағи суғуртавӣ дар натиҷаи ба амал омадани ҳодисаҳои суғуртавӣ кӯмак расонанд.

23. Дар натиҷаи фавтидани (ҳалок шудани) узви Маҷлиси миллӣ ва вакили Маҷлиси намояндагони Маҷлиси Олии Ҷумҳурии Тоҷикистон дар давраи иҷрои ваколатҳояшон, баъд аз пешниҳоди шаҳодатнома оиди вафот ба ворисони онҳо барои ташкил намудани маъракаҳои маросимӣ ҳашт нишондиҳанда барои ҳисобҳо аз ҳисоби маблағи суғуртавии шахси суғурташуда пешакӣ пардохт карда мешавад.

24. Барои пардохт намудани маблағи суғуртавӣ, ҳангоми фавтидани (ҳалок шудани) узви Маҷлиси миллӣ ва вакили Маҷлиси намояндагони Маҷлиси Олии Ҷумҳурии Тоҷикистон дар давраи иҷрои ваколатҳояшон, ворисон ба мақомоти суғуртавӣ ҳуҷҷатҳои зеринро пешниҳод менамоянд:

- ариза (замимаи 3);

- нусхаи шаҳодатнома оиди вафоти шахси суғурташуда;

- ҳуҷҷате, ки шахсияти ворисро тасдиқ мекунад;

- маълумотнома оиди маоши вазифавии ҳаштмоҳа.

25. Ҳангоми муайян намудани маъюбии шахси суғурташуда:

- ариза (замимаи 3);

- маълумотномаи Хадамоти давлатии ташхиси тиббию иҷтимоӣ оид ба муқаррар намудани маъюбӣ;

- ҳуҷҷати тасдиқкунандаи шахсият;

- маълумотнома оиди маоши вазифавӣ.

26. Ҳангоми пардохти маблағи суғуртавӣ ҳатман иқтибос аз таърихи беморӣ, ки дар давраи иҷрои ваколатҳо рӯй додааст, пешниҳод карда мешавад.

27. Андозаи маблағи суғуртавӣ дар рӯзи ҳодисаи суғуртавӣ муқаррар карда мешавад.

28. Маблағи умумии пардохтҳо барои як ё якчанд ҳодисаҳои суғуртавӣ дар давоми як сол аз андозаи маблағи суғуртавӣ, ки дар шартнома муқаррар карда шудааст, зиёд шуда наметавонад.

29. Агар ба шахси суғурташуда бо сабаби маъюбӣ маблағи суғуртавӣ дода шуда бошад, лекин дар натиҷаи таъсири маъюбӣ ё ҳодисаи суғуртавӣ ӯ фавтидааст, дар ин ҳолат ба ворисонаш фарқияти маблағи умумии суғуртавӣ аз маблағи суғуртавии гирифташуда дода мешавад.

30. КВД "Тоҷиксуғурта" дар ҳолати ворид нагардидани ҳаққи суғуртавӣ ба суратҳисоб, масъулияти пардохти маблағи суғуртавиро ба зимма намегирад.

31. Пардохти маблағи суғуртавӣ дар натиҷаи ба амал омадани ҳодисаи суғуртавӣ бо хоҳиши шахси суғурташуда ё ворисаш бенақд ба номи ӯ тариқи почта пасандоз карда шуда ё нақдина пардохта мешавад.

32. Ба шахси ноболиғ пардохтани маблағи суғуртавӣ бо роҳи гузаронидани пул ба номаш ба Бонки давлатии амонатгузории "Амонатбонк" бо огоҳонидани мақомоти васоят ва парасторӣ, ё ин ки ба васӣ ва ё парастор додан, анҷом дода мешавад.

33. Дар сурати рад намудани пардохти маблағи суғуртавӣ, КВД "Тоҷиксуғурта" дар давоми 10 рӯз оиди ин қарор ба тариқи хаттӣ ба шахси суғурташуда ё ворисонаш бо нишон додани далели рад ҷавоб мегардонад.

Рӯйхати аъзои Маҷлиси миллии Маҷлиси Олии Ҷумҳурии Тоҷикистон

+--+-------------------+-----+-------+-----------+---------+---------ҷ
| №|Насаб ва номи падар|Ҷойи |Вазифа |Фонди музди|Маоши    |Ҳаққи    |
|  |                   |кор  |       |меҳнати    |вазифавии|суғуртавӣ|
|  |                   |     |       |солона     |ҳаштмоҳа |         |
+--+-------------------+-----+-------+-----------+---------+---------+
|1.|                   |     |       |           |         |         |
+--+-------------------+-----+-------+-----------+---------+---------+
|2.|                   |     |       |           |         |         |
+--+-------------------+-----+-------+-----------+---------+---------+
|3.|                   |     |       |           |         |         |
+--+-------------------+-----+-------+-----------+---------+---------+

Ҷои мӯҳр                      Роҳбари ташкилот ____________

                                                   (имзо)

Рӯйхати вакилони Маҷлиси намояндагони Маҷлиси Олии Ҷумҳурии Тоҷикистон

+----+-------------------+---------+-----------+----------+----------ҷ
| №  |Насаб ва номи падар| Вазифа  |Фонди музди| Маоши    | Ҳаққи    |
|    |                   |         |меҳнати    | вазифавии| суғуртавӣ|
|    |                   |         |солона     | ҳаштмоҳа |          |
+----+-------------------+---------+-----------+----------+----------+
| 1. |                   |         |           |          |          |
+----+-------------------+---------+-----------+----------+----------+
| 2. |                   |         |           |          |          |
+----+-------------------+---------+-----------+----------+----------+
| 3. |                   |         |           |          |          |
+----+-------------------+---------+-----------+----------+----------+

Ҷои мӯҳр                         Роҳбари ташкилот ____________

                                                     (имзо)

ХАБАРНОМА

__________________________________________________________________________________ 

                              (номгӯи мақомоти давлатӣ)

 _________________________________________________________________________________

                                      (нишонӣ)

Мувофиқи Қонуни конститутсионии Ҷумҳурии Тоҷикистон "Дар бораи Маҷлиси Олии Ҷумҳурии Тоҷикистон", Қонуни конститутсионии Ҷумҳурии Тоҷикистон "Дар бораи вазъи ҳуқуқии узви Маҷлиси миллӣ ва вакили Маҷлиси намояндагони Маҷлиси Олии Ҷумҳурии Тоҷикистон", қарори Ҳукумати Ҷумҳурии Тоҷикистон "Дар бораи суғуртаи ҳатмии давлатии Раиси Маҷлиси миллии Маҷлиси Олии Ҷумҳурии Тоҷикистон ва Раиси Маҷлиси намояндагони Маҷлиси Олии Ҷумҳурии Тоҷикистон, узви Маҷлиси миллӣ ва вакили Маҷлиси намояндагони Маҷлиси Олии Ҷумҳурии Тоҷикистон" аз 7 апрели соли 1999, № 129 ҳаққи суғуртавӣ барои соли 20___ ба андозаи ___________________________________________________________

__________________________________________________ сомонӣ ҳисоб карда шудааст.

            (маблағ бо ҳарф)

Маблағи мазкур бояд ба суратҳисоби_________________________________________

___________________________________________________________________________

______________________________________________ гузаронида шавад.

            (мушаххасоти пардохти)

Мӯҳлати пардохт то 1 марти соли ҷорӣ муқаррар карда шудааст. Дар сурати гузаштани мӯҳлати мазкур пардохтҳо тибқи тартиби муқаррарнамудаи Кодекси андози Ҷумҳурии Тоҷикистон ва моддаи 14 Қонуни Ҷумҳурии Тоҷикистон "Дар бораи амалиёти суғуртавӣ" ситонида мешаванд.

Директори генералии

КВД "Тоҷиксуғурта"                     _____________________

                                              (имзо)

Директори КВД "Тоҷиксуғурта"           _____________________

                                        (дар ноҳияи, шаҳри)

"__"__________ соли 20__

                                       Ба Директори генералии

                                       КВД "Тоҷиксуғурта"________________

                                       филиали __________________________

                                       аз _______________________________

                                          (ному насаби муроҷиаткунанда)

                                       истиқоматкунандаи ________________

АРИЗА

Хоҳишмандам, ба ман маблағи суғуртавиро, барои ____________________________

                                                      осеби расида

____________________________ дар натиҷаи_______________________ дар давраи   

                                          (намуди ҳодисаи суғуртавӣ)

иҷрои ваколатҳо рӯй додааст, диҳед.

Ба ариза ҳуҷҷатҳои зерин замима мегарданд:

____________________________________________________________________________

____________________________________________________________________________

                                       аризадиҳанда__________

                                                    (имзо)

                                       "__"__________ соли 20__

         Ҷ.М.                          Роҳбари ташкилот___________

                                                         (имзо)