Ҳукумати Ҷумҳурии Тоҷикистон

ҚАРОР

Дар бораи таъсис додани Муассисаи давлатии Парваришгоҳи "Баҳри Норак"

Мутобиқи моддаи 132 Кодекси граждании Ҷумҳурии Тоҷикистон, моддаҳои 6 ва 13 Қонуни Ҷумҳурии Тоҷикистон "Дар бораи ҳудудҳои табиии махсус муҳофизатшаванда" ва моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Муассисаи давлатии Парваришгоҳи "Баҳри Норак" таъсис дода шавад.

2. Кумитаи ҳифзи муҳити зисти назди Ҳукумати Ҷумҳурии Тоҷикистон бо тартиби муқарраргардида масъалаҳои ташкилию ҳуқуқии Муассисаи давлатии Парваришгоҳи "Баҳри Норак"-ро ҳал намуда, санадҳои меъёрии ҳуқуқии худро ба қарори мазкур мутобиқ намояд.

3. Маблағгузории Муассисаи давлатии Парваришгоҳи "Баҳри Норак" дар доираи маблағҳои барои хоҷагиҳои ғайритиҷоратии системаи Муассисаи давлатии хоҷагии ҷангал ва шикори Кумитаи ҳифзи муҳити зисти назди Ҳукумати Ҷумҳурии Тоҷикистон пешбинишуда амалӣ карда шавад.

4. Дар қисмати хоҷагиҳои ғайритиҷоратии Номгӯи хоҷагиҳои системаи Муассисаи давлатии хоҷагии ҷангал ва шикор, ки бо қарори Ҳукумати Ҷумҳурии Тоҷикистон аз 1 августи соли 2008, №371 тасдиқ шудааст, сархати нав бо мазмуни зайл илова карда шавад:

"Муассисаи давлатии Парваришгоҳи "Баҳри Норак".