Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 5 сентябри соли 2002, № 358

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Ба қарори Ҳукумати Ҷумҳурии Тоҷикистон аз 5 сентябри соли 2002, № 358 "Дар бораи танзими давлатӣ ва ташкили истифодаи фазои ҳавоии Ҷумҳурии Тоҷикистон" тағйиру иловаҳои зерин ворид карда шавад:

- дар банди 1:

дар сархати якум баъд аз калимаҳои "(Раёсати Қувваҳои ҳарбӣ-ҳавоӣ" калимаҳои "ва мудофиаи зиддиҳавоии Қувваҳои Мусаллаҳи Ҷумҳурии Тоҷикистон)" илова карда шаванд;

дар сархати дуюм калимаҳои "(Департаменти авиатсияи гражданӣ)" ба калимаҳои "(Раёсати авиатсияи гражданӣ)" иваз карда шаванд;

- дар банди 21 Низомномаи системаи ягонаи ташкили ҳаракати ҳавоии Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 5 сентябри соли 2002, № 358 тасдиқ шудааст, калимаҳои "(Департаменти авиатсияи ғайринизомии)" ба калимаҳои "(Раёсати авиатсияи граждании)" иваз карда шаванд;

- дар банди 6 Низомномаи комиссияи байниидоравӣ доир ба истифодабарии фазои ҳавоии Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 5 сентябри соли 2002, № 358 тасдиқ шудааст, калимаҳои "Фармондеҳи Қувваҳои ҳарбии ҳавоии" ба калимаҳои "Фармондеҳи Қувваҳои ҳарбӣ-ҳавоӣ ва мудофиаи зиддиҳавоии Қувваҳои Мусаллаҳи" иваз карда шаванд.

2. Ҳайати комиссияи байниидоравӣ доир ба истифодабарии фазои ҳавоии Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 5 сентябри соли 2002, № 358 тасдиқ карда шудааст, мутобиқи замима дар таҳрири нав тасдиқ карда шавад.

ҲАЙАТИ КОМИССИЯИ БАЙНИИДОРАВӢ ДОИР БА ИСТИФОДАБАРИИ ФАЗОИ ҲАВОИИ ҶУМҲУРИИ ТОҶИКИСТОН

Фармондеҳи Қувваҳои ҳарбӣ-ҳавоӣ ва мудофиаи зиддиҳавоии Қувваҳои Мусаллаҳи Ҷумҳурии Тоҷикистон (раиси комиссия);

муовини Вазири нақлиёти Ҷумҳурии Тоҷикистон (назораткунандаи авиатсияи гражданӣ) (муовини раиси комиссия);

муовини якуми Фармондеҳи Қувваҳои ҳарбӣ-ҳавоӣ ва мудофиаи зиддиҳавоии Қувваҳои Мусаллаҳи Ҷумҳурии Тоҷикистон - сардори Сарситод (муовини раиси комиссия);

сардори Раёсати авиатсияи граждании Вазорати нақлиёти Ҷумҳурии Тоҷикистон (узви комиссия);

Директори генералии Корхонаи воҳиди давлатии "Тоҷикаэронавигатсия" (узви комиссия);

муовини Вазири корҳои хориҷии Ҷумҳурии Тоҷикистон (узви комиссия);

муовини Вазири корҳои дохилии Ҷумҳурии Тоҷикистон (узви комиссия);

муовини Раиси Кумитаи давлатии амнияти миллии Ҷумҳурии Тоҷикистон (узви комиссия);

директори Муассисаи давлатии обуҳавошиносии Ҷумҳурии Тоҷикистон (узви комиссия);

сардори Раёсати алоқа ва технологияи иттилоотии Ситоди генералии Қувваҳои Мусаллаҳи Ҷумҳурии Тоҷикистон (узви комиссия).