ҚАРОРИ МАҶЛИСИ ВАКИЛОНИ ХАЛҚИ НОҲИЯИ ҒОНЧӢ

(ДАЪВАТИ IV)

Дар бораи тасдиқ намудани Қоидаҳои ободонӣ ва беҳдошти ҳолати санитарию экологӣ

Мутобиқи моддаҳои 8,9 Қонуни конститутсионии Ҷумҳурии Тоҷикистон "Дар бораи мақомоти маҳаллии ҳокимияти давлатӣ" моддаи 23 Қонуни Ҷумҳурии Тоҷикистон "Дар бораи санадҳои меъёрии хуқуқӣ" бо мақсади иҷроиши қарори Маҷлиси вакилони халқи ноҳияи Суғд (даъвати IV) аз 19 августи соли 2011, таҳти №82 "Дар бораи тасдиқ намудани Қоидаҳои ободонӣ ва беҳдошти ҳолати санитарию экологӣ" Маҷлиси вакилони халқи ноҳияи Ғончӣ (даъвати IV) қарор мекунад:

1. Қоидаҳои ободонӣ ва беҳдошти ҳолати санитарию экологии ноҳия тасдиқ карда мешавад (Замима мегардад).

2. Бахши ҳифзи муҳити зист, маркази назорати давлатии санитарию эпидемиологӣ, Корхонаи воҳиди давлатии "Хоҷагии манзилию коммуналӣ", Корхонаи воҳиди давлатии фаръии об ва канализация ва муассисаи давлатии нигоҳдории роҳҳои автомобилгарди ноҳия вазифадор карда шаванд, ки ҷиҳати татбиқи Қоидаҳои мазкур тадбирҳои зарурӣ андешанд.

3. Ба шӯъбаи рушди иҷтимоӣ ва робита бо ҷомеаи дастгоҳи раиси ноҳия супорида шавад, ки интишори расмии Қоидаҳои ободонӣ ва беҳдошти ҳолати санитарию экологиро таъмин намояд.

4. Қарори мазкур баъд аз бақайдгирии давлатӣ ва интишори расмӣ мавриди амал қарор дода шавад.

5. Назорати иҷроиши Қарори мазкур ба зиммаи комиссияи доимии Маҷлиси вакилони халқи ноҳия "Оид ба масъалаҳои ҳифзи иҷтимоӣ, сиҳатии омма, вазъи эпидемиологӣ ва хизматрасонӣ ба аҳолӣ" гузошта шавад.