БОНКИ МИЛЛИИ ТОҶИКИСТОН

ҚАРОРИ РАЁСАТИ БОНКИ МИЛЛИИ ТОҶИКИСТОН

Оид ба тасдиқи Дастурамали №193 "Дар бораи ҳисоббаробаркуниҳои ғайринақдӣ дар Ҷумҳурии Тоҷикистон"

Мутобиқи қисми 2 моддаи 32 Қонуни Ҷумҳурии Тоҷикистон "Дар бораи Бонки миллии Тоҷикистон" ва қисми 2 моддаи 39 Қонуни Ҷумҳурии Тоҷикистон "Дар бораи фаъолияти бонкӣ", Раёсати Бонки миллии Тоҷикистон қарор мекунад:

1. Дастурамали №193 "Дар бораи ҳисоббаробаркуниҳои ғайринақдӣ дар Ҷумҳурии Тоҷикистон" тасдиқ карда шавад (замима мегардад).

2. Қарори мазкур бо тартиби муқарраршуда дар Вазорати адлияи Ҷумҳурии Тоҷикистон ба қайди давлатӣ гирифта шавад.

3. Қарори мазкур пас аз бақайдгирии давлатӣ ва интишори расмӣ мавриди амал қарор дода шавад.

4. Қарорҳои Раёсати Бонки миллии Тоҷикистон аз 1 марти соли 2001 таҳти №62 "Оид ба тасдиқи Дастурамали №112 "Дар бораи ҳисоббаробаркуниҳои ғайринақдӣ дар Ҷумҳурии Тоҷикистон", ки дар Вазорати адлияи Ҷумҳурии Тоҷикистон аз 1 августи соли 2001 таҳти №23 ба қайд гирифта шудааст ва аз 14 феврали соли 2012 таҳти №39 "Оид ба тасдиқ кардани Дастурамали №193 "Дар бораи ҳисоббаробаркуниҳои ғайринақдӣ дар Ҷумҳурии Тоҷикистон" аз эътибор соқит дониста шаванд.

5. Иҷрои бандҳои 2 ва 3 Қарори мазкур ба зиммаи Департаменти низоми пардохт (Машрабов Ҳ.М.), Идораи ҳуқуқ (Давлатов Ш.Ф.) ва Хадамоти матбуот (Қурбонов А.М.) вогузор карда шавад.

6. Назорати иҷрои Қарори мазкур ба зиммаи муовини Раиси Бонки миллии Тоҷикистон М. Холиқзода гузошта шавад.