ВАЗОРАТИ КИШОВАРЗИИ ҶУМҲУРИИ ТОҶИКИСТОН

ФАРМОИШ

Дар бораи тасдиқи "Тартиби гузаронидани санҷиш, бақайдгирӣ ва ҳифзи навъҳои растанӣ"

Ҷиҳати амалӣ намудани талаботи моддаҳои 14 ва 32 Қонуни Ҷумҳурии Тоҷикистон "Дар бораи тухмипарварӣ", моддаи 12 Қонуни Ҷумҳурии Тоҷикистон "Дар бораи ҳифзи навъҳои растанӣ" ва банди 9 Низомномаи Вазорати кишоварзии Ҷумҳурии Тоҷикистон

фармоиш     медиҳам:

1. Тартиби замимагардидаи гузаронидани санҷиш, бақайдгирӣ ва ҳифзи навъҳои растанӣ тасдиқ карда шавад.

2. Муассисаи давлатии "Комиссияи давлатии озмоиши навъи зироатҳои кишоварзӣ ва муҳофизати навъҳо (Давлатов С.Т.) иҷроиши Тартиби мазкурро таъмин намояд.

3. Тартиби мазкур тибқи талаботи муқарраргардида, барои бақайдгирии давлатӣ ба Вазорати адлияи Ҷумҳурии Тоҷикистон пешниҳод карда шавад.

4. Тартиби номбурда, пас аз бақайдгирии давлатӣ ва интишори расмӣ мавриди амал қарор дода шавад.

5. Фармоиши Вазорати кишоварзии Ҷумҳурии Тоҷикистон аз 27.07.2011с, №144 аз эътибор соқит дониста шавад.

6. Назорати иҷроиши фармоиши мазкур ба зиммаи муовини вазир Саидова Ҷ.С. вогузор карда шавад.