Ҳукумати Ҷумҳурии Тоҷикистон

ҚАРОР

Оид ба ворид намудани тағйиру иловаҳо ба қарори Ҳукумати Ҷумҳурии Тоҷикистон аз 23 октябри соли 1999, № 441

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

Ба Тартиби бақайдгирии давлатии воситаҳои механикии нақлиёт ва ядакҳо, ки бо қарори Ҳукумати Ҷумҳурии Тоҷикистон аз 23 октябри соли 1999, № 441 "Дар бораи тасдиқи Тартиби бақайдгирии давлатии воситаҳои механикии нақлиёт ва ядакҳо" тасдиқ карда шудааст, тағйиру иловаҳои зерин ворид карда шавад:

1. Дар тамоми матн калимаҳои "Тартибҳои", "Тартибҳо", "аломатҳои рақамӣ", "аломатҳои рақамии бақайдгирие", "акт", "акти"; "аломатҳои рақамии" "Тартибҳоро" мутобиқан ба калимаҳои "Тартиби", "Тартиб", "аломатҳои бақайдгирӣ", "аломатҳои бақайдгирие", "санад", "санади", "аломатҳои бақайдгирии" иваз карда шаванд.

2. Аз сархати панҷуми банди 2 калимаҳои "рақами муҳаррик" хориҷ карда шуда, калимаи "миқдори" ба калимаи "иқтидори" иваз карда шавад.

3. Дар банди 5:

- дар сархати якум калимаи "аксари" ба калимаи "ниҳоии" иваз карда шуда, баъд аз калимаҳои "нимядакҳои онҳо" калимаҳои ", инчунин воситаҳои нақлиёте, ки тавассути муҳаррики барқӣ ҳаракат мекунанд ва суръати конструктивиашон беш аз 40 км/соат мебошад" илова карда шавад;

- дар сархати дуюм ҷумлаи якум дар таҳрири зайл ифода карда шавад:

"Соҳибони воситаҳои нақлиёт вазифадоранд, ки воситаҳои нақлиёти ба онҳо тааллуқдоштаро, сарфи назар аз ҳолати техникиашон, дар давоми панҷ шабонарӯз аз лаҳзаи убури сарҳад дар мақомоти гумрук аз қайд гузаронанд. Дар воҳидҳои бақайдгирию имтиҳонотии Бозрасии давлатии автомобилӣ воситаҳои нақлиёт дар мӯҳлати амали аломати бақайдгирии "Транзит" ё даҳ шабонарӯз аз лаҳзаи харидорӣ, барасмиятдарории гумрукӣ, аз ҳисоб хориҷ кардани воситаи нақлиёт ё ба вуҷуд омадани ҳолатҳои дигар, ки боиси тағйир додани маълумоти бақайдгирӣ мегарданд (ба истиснои воситаҳои нақлиёти барои фурӯш пешбинишудаи шахсони ҳуқуқӣ ва соҳибкорони инфиродӣ, ки фаъолияти савдои воситаҳои нақлиётро анҷом медиҳанд), аз қайд гузаронида мешаванд.";

- дар ҷумлаи дуюм калимаи "қайди" ба калимаи "нигоҳдории" иваз карда шуда, калимаҳои "бо тартиби муайяннамудаи Вазорати корҳои дохилии Ҷумҳурии Тоҷикистон" хориҷ карда шавад;

ҷумлаи сеюм бо мазмуни зайл илова карда шавад:

- "Аз қайд гузаштани воситаи нақлиёт бо навиштаҷоти "Аз қайд гузаронида шуд ________________________ " дар нусхаи аслии

                                                                                (рӯз, моҳ, сол)

ваколатнома, ки  бо ному насаб, имзои шахси масъул ва мӯҳри Бозрасии давлатии автомобилии маҳалли нигоҳдории воситаи нақлиёт тасдиқ карда шудааст, ройгон анҷом дода мешавад.".

4. Сархати дуюми банди 6 дар таҳрири зайл ифода карда шавад: "Воситаҳои нақлиёте, ки ба ҷумҳурӣ ворид карда шудаанд, баъди бақайдгирӣ дар Бозрасии давлатии автомобилӣ тибқи номгуйи аз тарафи Вазорати корҳои дохилии Ҷумҳурии Тоҷикистон тасдиқшуда дар манбаъҳои иттилоотии махсус санҷида мешаванд.".

5. Ҷумлаи якуми банди 7 дар таҳрири зайл ифода карда шавад:

"Автомобилҳо ва мотоаробаҳо ба номи шахсони воқеие, ки ба синни 18, мототсиклҳо ва воситаҳои нақлиёте, ки тавассути муҳаррики барқӣ ҳаракат мекунанд ва суръати конструктивиашон беш аз 40 км/соат мебошад, ба номи шахсони воқеие, ки ба синни 16 расидаанд, ба истиснои воситаҳои нақлиёти ба мерос гузашта, ба қайд гирифта мешаванд.".

6. Дар банди 8 баъд аз калимаҳои "арзиши воситаи нақлиёт" ва "тасдиқ карда шудаанд" мутобиқан калимаҳои "(дар ҳолатҳои зарурӣ)" ва "маълумот дар бораи воситаи нақлиёт (тамға, навъ,)" илова карда шуда, калимаи "санади" ба калимаи "асноди" иваз карда шавад ва калимаи "муҳаррик," хориҷ карда шавад.

7. Дар банди 9 баъд аз калимаи "нотариалӣ" калимаҳои ", мақомоти гумрук" илова карда шавад.

8. Дар банди 10 калимаи "тоҷикӣ" ба калимаи "давлатӣ" иваз карда шуда, калимаҳои "ё забони муоширати байни миллатҳо" хориҷ карда шаванд.

9" Дар зербанди д) банди 11 калимаи "қайди" ба калимаи "бақайдгирии" ва калимаи "намекунад" ба калимаи "мекунад" иваз карда шавад.

10. Дар банди 13:

- дар сархати дуюми зербанди а) баъд аз калимаи "асоси" калимаҳои "ваколатномаи аз тарафи идораи нотариалӣ тасдиқшуда" илова карда шуда, калимаҳои "асноде, ки бо тартиби муқаррарнамудаи қонун дода шудаанд" хориҷ карда шаванд;

- дар зербанди б) пайвандаки "ва" ба калимаи "санҷиши" иваз карда шуда, баъд аз калимаи "медиҳанд;" ҷумлаи нав бо мазмуни зайл илова карда шавад:

". Натиҷаи санҷиши воситаи нақлиёт дар гувоҳномаи гумрукӣ қайд карда мешавад.".

11. Дар банди 16 калимаҳои "Вазорати амнияти Ҷумҳурии Тоҷикистон" ба калимаҳои "Кумитаи давлатии амнияти миллии Ҷумҳурии Тоҷикистон" иваз карда шавад.

12. Банди 18 дар таҳрири зайл ифода карда шавад:

"18. Кормандони воҳидҳои бақайдгирӣ ҳангоми анҷом додани амалиёти бақайдгирӣ:

а) аризаи хаттии соҳиби воситаи нақлиётро (Замимаҳои №3 ва №4) ба баррасӣ қабул мекунанд;

б) шахсияти соҳиби воситаи нақлиёт ё намояндаи ӯро мутобиқи зербанди "а" банди 13 ҳамин Тартиб муқаррар мекунанд;

в) аснодеро, ки қонунӣ будани харидорӣ, гирифтани воситаи нақлиёт (шасси (бадана), кузов (ароба, ядак)-ро тасдиқ мекунанд, мутобиқи банди 23 Тартиб тафтиш менамоянд;

г) воситаи нақлиётро аз муоина мегузаронанд, ки дар ҷараёни он:

- бехатарии конструксияи воситаи нақлиёт мутобиқи Дастурамал оид ба назорати техникӣ ва дигар асноде, ки талаботро нисбат ба бехатарии конструксияи воситаҳои нақлиёт санҷида мешавад;

- аслияти рақамҳои шасси (бадана), кузов (ароба, ядақ) ва аломатҳои бақайдгирӣ (ошкор намудани азнавкунӣ ё бо ягон тарзи дигар тағйир додани онҳо, ҳамчунин аломатҳои бақайдгирӣ) ва мутобиқати онҳо бо маълумоти дар асноди воситаи нақлиёти зикршуда санҷида мешавад;

- натиҷаҳои муоинаи воситаи нақлиёт дар аризаи соҳиби он (дар қисми "Қайдҳои хизматии Бозрасии давлатии автомобилӣ") қайд карда мешаванд ё тавассути санади муоинаи инфиродии воситаи нақлиёт бо хулоса дар бораи ҳолати техникии автомашина ба расмият дароварда мешаванд;

д) мавҷуд будани асноде, ки пардохта шудани андоз ва боҷҳоро тасдиқ мекунанд, инчунин рақами мушаххаси андозсупоранда (РМА) -ро тафтиш менамоянд;

е) воситаҳои нақлиётро аз рӯи маълумоти нақлиёти рабудашуда ва дуздидашуда мутобиқи банди 20 тафтиш мекунанд;

ж) асноди бақайдгирӣ ё шиносномаи воситаи нақлиётро тафтиш менамоянд.

Соҳибони воситаҳои нақлиёт ё намояндагони онҳо вазифадоранд асноди дар банди мазкур зикршударо пешниҳод намоянд.

Барои шахси ҳуқуқӣ ҳангоми бақайдгирии воситаи нақлиёти якум пешниҳод намудани нусхаи шаҳодатнома дар бораи бақайдгирии субъекти хоҷагидорӣ ё дигар санаде, ки бақайдгирии корхона, ташкилот ва ғайраро ҳамчун шахси ҳуқуқӣ тасдиқ мекунад, ҳатмист.".

13. Сархати дуюми банди 20 хориҷ карда шавад.

14. Дар банди 21 баъд аз калимаҳои "сардори" ва "мақомоти" мутобиқан калимаҳои "Раёсати Бозрасии давлатии автомобилии Вазорати корҳои дохилӣ, сардорони шӯъбаҳои Бозрасии давлатии автомобилии раёсатҳои Вазорати корҳои дохилӣ дар Вилояти Мухтори Кӯҳистони Бадахшон, вилоятҳо, минтақа ва гурӯҳи ноҳияҳои минтақаи Рашт ва муовинони онҳо, инчунин сардори" ва "дахлдори" илова карда шаванд.

15. Банди 22 хориҷ карда шавад.

16. Банди 23 дар таҳрири зайл ифода карда шавад:

"23. Асноде, ки қонунӣ будани харидорӣ, гирифтани воситаҳои нақлиёт шасси (бадана), кузовро (ароба, ядакро) тасдиқ мекунанд, инҳо мебошанд:

а) барои воситаҳои нақлиёте шасси (бадана), кузов (ароба, ядак), ки ба Ҷумҳурии Тоҷикистон ворид карда шудаанд, - гувоҳномаи гумрукие, ки аз тарафи мақоми гумрук мутобиқи банди 13 дода шудааст, дар асноди техникии воситаи нақлиёт дар қисми "Қайдҳои махсус" ва китоби (варақаи) баҳисобгирии воситаи нақлиёт бояд қайдҳои мақоми гумрук мутобиқи банди 13 дарҷ карда шаванд;

б) барои воситаҳои нақлиёте, ки қаблан дар Ҷумҳурии Тоҷикистон ба қайд гирифта шудаанд:

- тасдиқнома - ҳисобномаи ташкилотҳои савдо, ки барои фурӯши воситаҳои нақлиёт ҳақ дошта, бо тартиби муқарраршуда ба қайд гирифта шудаанд ва мутобиқи Дастуруламал "Дар бораи тартиби харидорӣ, қабул, баҳисобгирӣ, нигоҳдорӣ ва сарфи варакаҳои тасдиқнома-ҳисобномаҳо барои харидории воситаҳои нақлиёти автомобилӣ, қисмҳо ва агрегатҳои онҳо" (Замимаи №5) ба расмият дароварда шудаанд;

- тасдиқномаи мақоми таъминоти иҷтимоӣ, ки автомобили идораи дастӣ ё мотоаробаро бо шароити имтиёзнок ё бепул ҷудо кардааст, бо замимаи асноде, ки манбаи воридшавии воситаи нақлиётро тасдиқ мекунанд;

- қарори суд дар бораи мансубияти воситаҳои нақлиёт;

- аҳди шахсони ҳуқуқӣ байни худ ва бо шаҳрвандон (ба ғайр аз корхонаю ташкилотҳои буҷетӣ);

- шартномаи тӯҳфа кардан, хариду фурӯш, ивазкунӣ ё шаҳодатномаи ҳуқуқи моликият ва меросгирии воситаи нақлиёт, ки аз тарафи идораи нотариалӣ тасдиқ карда шудааст, инчунин тасдиқномаҳои музояда, биржа, ташкилотҳои савдо дар бораи ба соҳибони мушаххас фурӯхта шудани онҳо, ки бо мӯҳр ва имзои шахси масъул тасдиқ карда шудаанд ё асноди дигари тасдиқкунандаи қонунӣ будани харидории воситаи нақлиёт".

17. Бандҳои 24, 25 ва 32 хориҷ карда шаванд.

18. Аз сархати дуюми банди 33 калимаҳои "хоҳарони худӣ" ба калимаи "хоҳарон" иваз карда шавад.

19. Дар сархати сеюми банди 33 калимаҳои "Раёсати корҳои дохилии вилоятҳо" ба калимаҳои "раёсатҳои Вазорати корҳои дохилӣ дар Вилояти Мухтори Кӯҳистони Бадахшон, вилоятҳо, минтақа ва ноҳияи Рашт" иваз карда шаванд.

20. Аз банди 34 калимаҳои "дар бораи иҷора" хориҷ карда шаванд.

21. Банди 37 хориҷ карда шавад.

22. Дар банди 38 калимаҳои "комиссияи техникӣ" ба калимаҳои "комиссияи техникии назди Раёсати Бозрасии давлатии автомобилии Вазорати корҳои дохилӣ" иваз карда шаванд.

23. Дар банди 45 калимаҳои "тоҷикӣ ё русӣ" ба калимаи "давлатӣ" иваз карда шаванд.

24. Банди 47 дар таҳрири зайл ифода карда шавад:

"47. Дар ҳолати ба миён омадани шубҳа ба аслияти асноди пешниҳодшудаи воситаҳои нақлиёте, ки аз дигар минтақаҳои ҷумҳурӣ оварда шудаанд, ё мутобиқ набудани онҳо ба талаботи Тартиб, ба воҳиди Бозрасии давлатии автомобилии маҳалли баҳисобгирии пешина ё ҷои фурӯши ташкилоти савдо барои тасдиқи қонунӣ будани аз ҳисоби Бозрасии давлатии автомобилӣ хориҷ намудани воситаи нақлиёт ё фурӯши он, ё ин ки дар ҳисоби кофтуков қарор доштани воситаи нақлиёт дархост фиристода мешавад. Зимнан бақайдгирии онҳо бо расидани ҷавоби мусбӣ анҷом дода мешавад.".

25. Банди 48 дар таҳрири зайл ифода карда шавад:

"48. Дар сурати ба миён омадани ҳолатҳои пешбининамудаи банди 21 Тартиб, нисбати воситаҳои нақлиёти бақайдгирифташуда, гузаронидани амалҳои бақайдгирӣ то ба анҷом расидани тафтиш, маҳдуд карда мешавад.".

26. Ба банди 52 сархати дуюм бо мазмуни зерин илова карда шавад:

"- талони техникӣ барои воситаҳои нақлиёти шахсони воқеӣ, ки тибқи шартнома аз ҷониби шахсони ҳуқуқӣ истифода мешаванд;";

27. Дар бандҳои 56, 72, 84, 89, 102 рақами "32" ба рақами "18" иваз карда шавад.

28. Дар банди 59 калимаҳои "давлатҳои муштаракулманофеъ" ва "сохтмон" мутобиқан ба калимаҳои "Давлатҳои Мустақил" ва "конструксия" иваз карда шаванд.

29. Аз сархати якуми банди 61 калимаҳои "ва муҳаррик" хориҷ карда шаванд.

30. Дар банди 73:

- калимаҳои "дар ҳолатҳои зерин" хориҷ карда шаванд;

- дар сархати якум ва сеюм пеш аз калимаҳои "тағйир ёфтани" ва "аз ҳисоб" калимаи "ҳангоми" илова карда шавад;

- сархати дуюм дар таҳрири зайл ифода карда шавад:

"- барои бегонакунӣ;".

31. Сархати сеюми банди 74 дар таҳрири зерин ифода карда шавад:

"Аломатҳои бақайдгирии супоридашуда ва мусодирашуда, инчунин дарёфтшуда нобуд сохта мешаванд ва дар ин бора дар аризаи (мактуби) соҳиби воситаи нақлиёт бо зикри сана, номи хонаводагии шахси мансабдоре, ки онҳоро нобуд сохтааст, қайд карда мешавад ва бо имзои ӯ тасдиқ карда мешавад.".

32. Дар банди 75 калимаҳои "дар бораи иҷора" хориҷ карда шаванд.

33. Дар банди 92 калимаҳои "ягон қонуншиканӣ" ба калимаҳои "риоя накардани қоидаҳо ва дигар қонуншиканӣ" иваз карда шаванд.

34. Банди 93 хориҷ карда шавад.

35. Банди 97 дар таҳрири зайл ифода карда шавад:

"97. Воситаҳои нақлиёте, ки ба Ҷумҳурии Тоҷикистон муваққатан ворид карда шудаанд, бояд на дертар аз мӯҳлати муқарраршудаи воридоти муваққатӣ аз ҳудуди ҷумҳурӣ бароварда шаванд ё таҳти низоми гумрукии дигар ба расмияти гумрукӣ дароварда шаванд. Вобаста ба мушаххасоти воридот ва имтиёзҳои пешниҳодшудаи гумрукӣ ва андоз, бегона кардан, ба соҳибӣ ё истифодаи шахсони дигар додани чунин воситаҳои нақлиёт бе иҷозати мақоми гумрук манъ аст.

Ҳангоми арз намудани воситаи нақлиёт таҳти низоми дигари гумрукӣ (иҷозат барои муомилоти озод) гувоҳномаи гумрукӣ баъди аз ҷои пештараи баҳисобгирӣ расидани тасдиқи маълумоти бақайдгирии воситаи нақлиёт, мавҷуд набудани маҳдудиятҳо ё ҳабси воситаи нақлиёт анҷом дода мешавад.".

36. Дар зербанди а) банди 104 калимаҳои "полиси андоз" ба калимаҳои "дигар мақомоти ваколатдори давлатӣ" иваз карда шаванд.