Тартиби нигоҳ доштани музди меҳнат, мансаби ишғолнамуда ё мансаби ба он баробар ҳангоми таҳсил ва такмили ихтисоси хизматчиёни давлатӣ
1. Муқаррароти умумӣ
1. Тартиби нигоҳ доштани музди меҳнат, мансаби ишғолнамуда ё мансаби ба он баробар ҳангоми таҳсил ва такмили ихтисоси хизматчиёни давлатӣ (минбаъд - Тартиб) тибқи талаботи моддаи 34 Қонуни Ҷумҳурии Тоҷикистон "Дар бораи хизмати давлатӣ" таҳия гардидааст.
2. Тартиб ба хизматчиёни давлатӣ ва шахсони ба онҳо баробар кардашуда (минбаъд- хизматчиёни давлатӣ) дар тамоми давраи таҳсил нигоҳ доштани музди меҳнат ва мансаби ишғолнамударо кафолат медиҳад.
3. Тартиб кафолати ҳифзи иҷтимоӣ, таъмини нигоҳ доштани музди меҳнати хизматчиёни давлатиеро, ки дар муассисаҳои таълимии давлатӣ ва/ё хориҷӣ барои соҳиб гаштан ба ихтисоси дуюм, тайёрии касбӣ, бозомӯзӣ ва такмили ихтисос таҳсил менамоянд, муқаррар менамояд.
2. Шартҳои Тартиб
4. Мақомоти идораи давлатӣ, бо дарназардошти таҳсили хизматчиёни давлатӣ барои соҳиб гаштан ба ихтисоси дуюм ва/ё тайёрии касбӣ, бозомӯзӣ ва такмили ихтисос, бояд ҳар сол зимни таҳияи лоиҳаи Буҷети давлатӣ бо сатри алоҳида фоизи муайяни маблағро тибқи талаботи қонунгузорӣ пешбинӣ намоянд.
5. Тартиб барои хизматчиёни давлатие, ки корро тарк накарда, дар муассисаҳои таҳсилоти олии касбӣ, таҳсилоти касбии баъд аз муассисаи олии таълимӣ барои иштирок дар машғулиятҳо, иҷрои корҳои лабораторӣ, супоридани санҷишу имтиҳонҳо ва ҳамчунин барои гузаштани аттестатсияи давлатӣ, навиштан ва дифои лоиҳаҳои (корҳои) дипломӣ ва/ё ба такмили ихтисос фаро гирифта мешаванд, имтиёзро таъмин менамояд.
6. Дар асоси роҳхати мақомоти идораи давлатӣ ва/ё ҳуҷҷати тасдиқкунандаи муассисаи таълимӣ оид ба таҳсил ва такмили ихтисоси хизматчиёни давлатӣ бо пешниҳоди хадамоти кадрии мақоми давлатӣ роҳбари мақомоти идораи давлатӣ дар бораи ба таҳсил фиристодани хизматчии давлатӣ фармоиш (қарор) мебарорад. Дар фармоиш (қарор) банди алоҳида оид ба нигоҳ доштани мансаб ва музди меҳнати хизматчии давлатӣ дар давраи таҳсил пешбинӣ карда мешавад.
7. Ҳангоми ба таъхир гузоштани мӯҳлати баровардани фармоиши (қарори) дахлдор иҷрои фармоиш (қарор) аз рӯи санаи ҳуҷҷати пешниҳодгардида ҳисобида мешавад.
8. Бо хизматчии давлатие, ки дар муассисаҳои таълимии давлатӣ ё хориҷӣ барои соҳиб гаштан ба ихтисоси дуюм ва/ё ба таҳсили дарозмӯҳлат бо озод шудан аз мансаби ишғолнамуда фаро гирифта мешавад, шартномаи сеҷониба (роҳбари мақомоти идораи давлатӣ, роҳбари муассисаи таълимӣ ва хизматчии давлатӣ) баста мешавад.
9. Бо хизматчии давлатие, ки ба муассисаҳои таълимии давлатӣ ё хориҷӣ ба тайёрии касбӣ, бозомӯзӣ азнавтайёркунӣ ва такмили ихтисос ба мӯҳлати кӯтоҳ (камтар аз 4 моҳ) фиристода мешавад, шартномаи сеҷониба баста намешавад.
10. Давраи озод шудани хизматчии давлатӣ аз мансаби давлатӣ бо сабаби ба таҳсил ва/ё такмили ихтисоси дарозмӯҳлат ба сафари хизматӣ фиристодани хизматчии давлатӣ ба собиқаи хизмати давлатӣ дохил карда мешавад.
11. Дар сурати озод гардидани хизматчии давлатӣ тибқи талаботи банди 8 Тартиби мазкур қайди дахлдор дар фасли "маълумот дар бораи кор"- и дафтарчаи меҳнатии хизматчии давлатӣ сабт карда мешавад.
12. Музди меҳнати хизматчии давлатӣ дар давраи таҳсили иловагӣ ва ё такмили ихтисос аз тарафи мақомоти идораи давлатие, ки хизматчии давлатӣ фаъолият менамояд, пардохт карда мешавад.
13. Роҳбари мақомоти идораи давлатӣ метавонад ҳангоми дар сафари хизматии дарозмӯҳлат вобаста ба таҳсил ва ё такмили ихтисос фиристодани хизматчии давлатӣ, ба мансаби ишғолнамудаи ӯ муваққатан то бозгаштанаш дигар шахсро таъин намояд.
14. Бо розигии хизматчии давлатӣ ва роҳбари мақомоти идораи давлатӣ мумкин аст ба зиммаи хизматчии давлатӣ иҷрои ӯҳдадориҳои мансабии хизматчии давлатии муваққатан озодгардида вогузор карда шавад.
15. Хизматчии давлатие, ки баъди анҷоми таҳсил ва/ё такмили ихтисоси дарозмӯҳлат ба ҷойи кор бармегардад, ба мансаби пештар ишғолнамуда ё ба мансаби категорияи баробар дар ҳамон мақомоти идораи давлатӣ таъмин карда мешавад.
16. Ба хизматчиёни давлатие, ки дар муассисаҳои таҳсилоти олии касбии дорои аккредитатсияи давлатӣ бомуваффақият таҳсил менамоянд, мутобиқи қонунгузории Ҷумҳурии Тоҷикистон имтиёзҳо пешбинӣ карда мешавад.
3. Муқаррароти хотимавӣ
17. Ҳангоми таҳияи буҷети солонаи мақомоти идораи давлатӣ роҳбари мақомоти идораи давлатӣ, хадамоти кадрӣ ва воҳиди сохтории баҳисобгирии молиявӣ бояд талаботи санадҳои меъёрии ҳуқуқии Ҷумҳурии Тоҷикистон ва Тартиби мазкурро риоя намоянд.
18. Баҳсҳо оид ба нигоҳ доштани мансаб ва музди меҳнати хизматчии давлатӣ ҳангоми таҳсил, такмили ихтисос ва дараҷаи тахассус аз тарафи мақомоти болоӣ, мақоми ваколатдори соҳаи хизмати давлатӣ ва суд баррасӣ карда мешаванд.
Тартиби нигоҳ доштани музди меҳнат, мансаби ишғолнамуда ё мансаби ба он баробар ҳангоми таҳсил ва такмили ихтисоси хизматчиёни давлатӣ
1. Муқаррароти умумӣ
1. Тартиби нигоҳ доштани музди меҳнат, мансаби ишғолнамуда ё мансаби ба он баробар ҳангоми таҳсил ва такмили ихтисоси хизматчиёни давлатӣ (минбаъд - Тартиб) тибқи талаботи моддаи 34 Қонуни Ҷумҳурии Тоҷикистон "Дар бораи хизмати давлатӣ" таҳия гардидааст.
2. Тартиб ба хизматчиёни давлатӣ ва шахсони ба онҳо баробар кардашуда (минбаъд- хизматчиёни давлатӣ) дар тамоми давраи таҳсил нигоҳ доштани музди меҳнат ва мансаби ишғолнамударо кафолат медиҳад.
3. Тартиб кафолати ҳифзи иҷтимоӣ, таъмини нигоҳ доштани музди меҳнати хизматчиёни давлатиеро, ки дар муассисаҳои таълимии давлатӣ ва/ё хориҷӣ барои соҳиб гаштан ба ихтисоси дуюм, тайёрии касбӣ, бозомӯзӣ ва такмили ихтисос таҳсил менамоянд, муқаррар менамояд.
2. Шартҳои Тартиб
4. Мақомоти идораи давлатӣ, бо дарназардошти таҳсили хизматчиёни давлатӣ барои соҳиб гаштан ба ихтисоси дуюм ва/ё тайёрии касбӣ, бозомӯзӣ ва такмили ихтисос, бояд ҳар сол зимни таҳияи лоиҳаи Буҷети давлатӣ бо сатри алоҳида фоизи муайяни маблағро тибқи талаботи қонунгузорӣ пешбинӣ намоянд.
5. Тартиб барои хизматчиёни давлатие, ки корро тарк накарда, дар муассисаҳои таҳсилоти олии касбӣ, таҳсилоти касбии баъд аз муассисаи олии таълимӣ барои иштирок дар машғулиятҳо, иҷрои корҳои лабораторӣ, супоридани санҷишу имтиҳонҳо ва ҳамчунин барои гузаштани аттестатсияи давлатӣ, навиштан ва дифои лоиҳаҳои (корҳои) дипломӣ ва/ё ба такмили ихтисос фаро гирифта мешаванд, имтиёзро таъмин менамояд.
6. Дар асоси роҳхати мақомоти идораи давлатӣ ва/ё ҳуҷҷати тасдиқкунандаи муассисаи таълимӣ оид ба таҳсил ва такмили ихтисоси хизматчиёни давлатӣ бо пешниҳоди хадамоти кадрии мақоми давлатӣ роҳбари мақомоти идораи давлатӣ дар бораи ба таҳсил фиристодани хизматчии давлатӣ фармоиш (қарор) мебарорад. Дар фармоиш (қарор) банди алоҳида оид ба нигоҳ доштани мансаб ва музди меҳнати хизматчии давлатӣ дар давраи таҳсил пешбинӣ карда мешавад.
7. Ҳангоми ба таъхир гузоштани мӯҳлати баровардани фармоиши (қарори) дахлдор иҷрои фармоиш (қарор) аз рӯи санаи ҳуҷҷати пешниҳодгардида ҳисобида мешавад.
8. Бо хизматчии давлатие, ки дар муассисаҳои таълимии давлатӣ ё хориҷӣ барои соҳиб гаштан ба ихтисоси дуюм ва/ё ба таҳсили дарозмӯҳлат бо озод шудан аз мансаби ишғолнамуда фаро гирифта мешавад, шартномаи сеҷониба (роҳбари мақомоти идораи давлатӣ, роҳбари муассисаи таълимӣ ва хизматчии давлатӣ) баста мешавад.
9. Бо хизматчии давлатие, ки ба муассисаҳои таълимии давлатӣ ё хориҷӣ ба тайёрии касбӣ, бозомӯзӣ азнавтайёркунӣ ва такмили ихтисос ба мӯҳлати кӯтоҳ (камтар аз 4 моҳ) фиристода мешавад, шартномаи сеҷониба баста намешавад.
10. Давраи озод шудани хизматчии давлатӣ аз мансаби давлатӣ бо сабаби ба таҳсил ва/ё такмили ихтисоси дарозмӯҳлат ба сафари хизматӣ фиристодани хизматчии давлатӣ ба собиқаи хизмати давлатӣ дохил карда мешавад.
11. Дар сурати озод гардидани хизматчии давлатӣ тибқи талаботи банди 8 Тартиби мазкур қайди дахлдор дар фасли "маълумот дар бораи кор"- и дафтарчаи меҳнатии хизматчии давлатӣ сабт карда мешавад.
12. Музди меҳнати хизматчии давлатӣ дар давраи таҳсили иловагӣ ва ё такмили ихтисос аз тарафи мақомоти идораи давлатие, ки хизматчии давлатӣ фаъолият менамояд, пардохт карда мешавад.
13. Роҳбари мақомоти идораи давлатӣ метавонад ҳангоми дар сафари хизматии дарозмӯҳлат вобаста ба таҳсил ва ё такмили ихтисос фиристодани хизматчии давлатӣ, ба мансаби ишғолнамудаи ӯ муваққатан то бозгаштанаш дигар шахсро таъин намояд.
14. Бо розигии хизматчии давлатӣ ва роҳбари мақомоти идораи давлатӣ мумкин аст ба зиммаи хизматчии давлатӣ иҷрои ӯҳдадориҳои мансабии хизматчии давлатии муваққатан озодгардида вогузор карда шавад.
15. Хизматчии давлатие, ки баъди анҷоми таҳсил ва/ё такмили ихтисоси дарозмӯҳлат ба ҷойи кор бармегардад, ба мансаби пештар ишғолнамуда ё ба мансаби категорияи баробар дар ҳамон мақомоти идораи давлатӣ таъмин карда мешавад.
16. Ба хизматчиёни давлатие, ки дар муассисаҳои таҳсилоти олии касбии дорои аккредитатсияи давлатӣ бомуваффақият таҳсил менамоянд, мутобиқи қонунгузории Ҷумҳурии Тоҷикистон имтиёзҳо пешбинӣ карда мешавад.
3. Муқаррароти хотимавӣ
17. Ҳангоми таҳияи буҷети солонаи мақомоти идораи давлатӣ роҳбари мақомоти идораи давлатӣ, хадамоти кадрӣ ва воҳиди сохтории баҳисобгирии молиявӣ бояд талаботи санадҳои меъёрии ҳуқуқии Ҷумҳурии Тоҷикистон ва Тартиби мазкурро риоя намоянд.
18. Баҳсҳо оид ба нигоҳ доштани мансаб ва музди меҳнати хизматчии давлатӣ ҳангоми таҳсил, такмили ихтисос ва дараҷаи тахассус аз тарафи мақомоти болоӣ, мақоми ваколатдори соҳаи хизмати давлатӣ ва суд баррасӣ карда мешаванд.
