Бо қарори Ҳукумати ҶТ аз 25.06.2020 № 390 аз эътибор соқит дониста шуд.

Ҳукумати Ҷумҳурии Тоҷикистон

ҚАРОР

Дар бораи Муассисаи давлатии "Фонди дастгирии соҳибкорӣ"

Мутобиқи моддаи 52 ва 132 Кодекси граждании Ҷумҳурии Тоҷикистон, моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" ва моддаи 6 Қонуни Ҷумҳурии Тоҷикистон "Дар бораи Буҷети давлатии Ҷумҳурии Тоҷикистон барои соли 2013" Ҳукумати Ҷумҳурии Тоҷикистон қарор мекунад:

1. Муассисаи давлатии "Фонди дастгирии соҳибкории назди Ҳукумати Ҷумҳурии Тоҷикистон" таъсис дода шавад (қарори Ҳукумати ҶТ аз 14.02.2015 № 62).

2. Низомнома, сохтор, ҳайати шӯрои нозирон ва нақшаи идоракунии муассисаи давлатии "Фонди дастгирии соҳибкории назди Ҳукумати Ҷумҳурии Тоҷикистон" тасдиқ карда шавад (замимаҳои 1, 2, 3, 4)" (замимаи 4 замима мегардад) (қарори Ҳукумати ҶТ аз 14.08.2018 № 409).

3. Кумитаи давлатии сармоягузорӣ ва идораи амволи давлатии Ҷумҳурии Тоҷикистон дастгоҳи марказии муассисаи давлатии "Фонди дастгирии соҳибкории назди Ҳукумати Ҷумҳурии Тоҷикистон"-ро бо бинои алоҳида ва мақомоти иҷроияи ҳокимияти давлатии Вилояти Мухтори Кӯҳистони Бадахшон ва вилоятҳо филиалҳои онро бо утоқҳои корӣ таъмин намоянд (қарори Ҳукумати ҶТ аз 14.08.2018 № 409).