Бо қарори Ҳукумати ҶТ аз 29.06.2017 № 323 аз эътибор соқит дониста шуд.

Ҳукумати Ҷумҳурии Тоҷикистон

ҚАРОР

Дар бораи қоидаҳои ҳаракат дар роҳҳои Ҷумҳурии Тоҷикистон

Мутобиқи Қонуни Ҷумҳурии Тоҷикистон "Дар бораи ҳаракати роҳ" Ҳукумати Ҷумҳурии Тоҷикистон қарор мекунад:

1. Қоидаҳои ҳаракат дар роҳҳои Ҷумҳурии Тоҷикистон ва Муқаррароти асосии иҷозатдиҳӣ ба истифодабарии воситаҳои нақлиёт ва вазифаҳои ашхоси мансабдор дар бобати таъмини бехатарии ҳаракат дар роҳ, ки замима мегарданд, тасдиқ карда шаванд.

Вазорату идораҳо, раисони Вилояти Мӯхтори Кӯҳистони Бадахшон, вилоятҳо ва шаҳру ноҳияҳои тобеи ҷумҳурӣ дар кӯчаю роҳҳо ташкили ҳаракатро мутобиқи талаботи Қоидаҳо ва Муқаррароти асосии зикршуда таъмин намоянд, ҳамчунин асноди меъёрӣ ва қарорҳои худро бо онҳо мутобиқ гардонанд.

2. Вазорати корҳои дохилии Ҷумҳурии Тоҷикистон ва Вазорати мудофиаи Ҷумҳурии Тоҷикистон дар соли 1998 тартиби иҷозат додани ронандагон - хизматчиёни ҳарбиро ба мусофиркашонӣ бо автомобилҳои боркаш таҳия намоянд.

3. Вазорати корҳои дохилии Ҷумҳурии Тоҷикистон, Вазорати нақлиёт ва хоҷагии роҳи Ҷумҳурии Тоҷикистон, Вазорати маорифи Ҷумҳурии Тоҷикистон ва Вазорати фарҳанг ва иттилооти Ҷумҳурии Тоҷикистон нашри Қоидаҳои ҳаракат дар роҳҳо, Муқаррароти асосӣ, маҷмӯаи асноди меъёрӣ оид ба ҳаракат дар роҳҳо, адабиёти таълимию методӣ ва воситаҳои аёниро бо мақсади оммавӣ гардонидани Қоидаҳо ва Муқарророти асосии мазкур ба миқдори кофӣ таъмин намоянд.