Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 31 декабри соли 2004, № 497

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Ба қарори Ҳукумати Ҷумҳурии Тоҷикистон аз 31 декабри соли 2004, № 497 "Оид ба назорати истеҳсол ва муомилоти маҳсулотҳои зераксизӣ" тағйиру иловаҳои зерин ворид карда шаванд:

- дар матни қарор ва қисми таркибии он калимаи "машрубот" ба калимаҳои "нӯшокиҳои спиртдор" иваз карда шавад;

- банди 4 дар таҳрири зайл ифода карда шавад:

"4. Истеҳсол ва муомилоти спирти этилӣ, нӯшокиҳои спиртдор ва маҳсулоти тамоку бе ташкили дидбонгоҳҳои андоз ва бе таҷҳизоти ҳисобкунандаи дорои хотираи фискалии дар ҷойҳои аз нигоҳи технологӣ мувофиқ насбшаванда, ки барои мақсади андозбандӣ ҳаҷми истеҳсолро инъикос менамоянд, манъ аст.".

2. Ба Тартиби фаъолияти дидбонгоҳҳои назоратии андоз дар корхонаҳои ба истеҳсол ва муомилоти спирти этилӣ, машрубот ва маҳсулоти тамоку машғулбуда, ки бо қарори Ҳукумати Ҷумҳурии Тоҷикистон аз 31 декабри соли 2004, № 497 тасдиқ шудааст, тағйиру иловаҳои зерин ворид карда шаванд:

а) дар банди 2 калимаҳои "2 нафар кормандон- нозири андоз ва ваколатдори фаврии полиси андоз" ба калимаҳои "кормандонн мақомоти андоз" иваз карда шуда, калимаҳои "шуда, ҳар даҳрӯза иваз" хориҷ карда шаванд;

б) дар банди 7:

- дар зербанди в) калимаи "пломба" ба калимаи "мӯҳрбандӣ" иваз карда шавад;

- дар зербанди з) калимаи "пломбаҳо" ба калимаи "мӯҳрбандиҳо" иваз карда шавад;

- дар зербанди г) баъд аз калимаи "дафтари" калимаи "қайди" илова карда шавад;

- дар зербандҳои ж) ва р) калимаи "тафтиш" ба калимаҳои "санҷиш" иваз карда шавад;

- дар зербандп п) баъд аз калимаи "ки" калимаҳои "маблағи андози" илова карда шаванд;

- аз зербанди с) калимаҳои "ҳаррӯза" ва "ва полиси андоз ҳар рӯз" хориҷ карда шаванд;

- дар зербанди т) калимаи "даҳрӯза" ба калимаи "моҳ" иваз карда шавад;

- зербанди у) дар таҳрири зайл ифода карда шавад:

"санаи 10 ҳар моҳ баъди моҳи ҳисоботӣ ба нозироти андоз оид ба ҳаҷми истеҳсол ва фурӯши маҳсулоти зераксизӣ, оид ба бақияи тамғаҳои аксизӣ дар аввал ва охири давраи ҳисоботӣ, оид ба маблағҳои ҳисобкардашуда ва воридшудаи андозҳо, аз он ҷумла андози аксизӣ, инчунин дар бораи чораҳои андешидашуда барои кам кардани қарзи андоз ва маблағҳои кам кардашудаи он маълумот пешниҳод менамоянд. Маълумоти мазкур дар раёсатҳои андоз дар Вилояти Мухтори Кӯҳистони Бадахшон, вилоятҳои Суғду Хатлон, шаҳри Душанбе, Нозироти андозсупорандагони калон, Нозироти андозсупорандагони миёна ва нозиротҳои андози шаҳру ноҳияҳои тобеи ҷумҳурӣ ҷамъбаст шуда, санаи 15-и ҳар моҳи баъд аз моҳи ҳисоботӣ ба Кумитаи андози назди Ҳукумати Ҷумҳурии Тоҷикистон пешниҳод карда мешавад";

д) дар зербанди а) банди 9 баъд аз калимаи "шаванд" калимаҳои "ё тамғаҳои худчаспони аксизӣ бояд истифода бурда шаванд" илова карда шавад;

е) аз банди 10 калимаҳои "полиси андоз" хориҷ карда шавад.

3. Қарори мазкур аз 1 январи соли 2013 мавриди амал қарор дода мешавад.