Ҳукумати Ҷумҳурии Тоҷикистон

ҚАРОР

Дар бораи Тартиб ва ҳаҷми пешниҳод намудани хизматрасониҳои ройгони иҷтимоӣ

Мутобиқи моддаи 16 Қонуни конститутсионии Ҷумҳурии Тоҷикистон "Дар бораи Ҳукумати Ҷумҳурии Тоҷикистон" ва моддаи 18 Қонуни Ҷумҳурии Тоҷикистон "Дар бораи хизматрасонии иҷтимоӣ" Ҳукумати Ҷумҳурии Тоҷикистон қарор мекунад:

1.Тартиб ва хаҷми пешниҳод намудани хизматрасониҳои ройгони иҷтимоӣ тасдиқ карда шавад (замима мегардад).

2. Вазорати тандурустӣ ва ҳифзи иҷтимоии аҳолии Ҷумҳурии Тоҷикистон то соли 2015 механизми маблағгузории давлатии ташкили хизматрасонии иҷтимоӣ ба аҳолӣ, тарҳрезӣ ва ташаккули фармоиши иҷтимоии давлатиро ҷиҳати хизматрасонӣ барои шаҳрвандоне, ки дар ҳолати душвори зиндагӣ қарор доранд, ҷорӣ намояд (қарори Ҳукумати ҶТ аз 2.07.2015 № 448).