Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру иловаҳо ба баъзе қарорҳои Ҳукумати Ҷумҳурии Тоҷикистон

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Ба қарори Ҳукумати Ҷумҳурии Тоҷикистон аз 3 декабри соли 2002, № 482 "Дар бораи Академияи илмҳои педагогии назди Вазорати маорифи Ҷумҳурии Тоҷикистон" тағйиру иловаҳои зерин ворид карда шавад:

- дар ном ва матни қарор калимаҳои "Академияи илмҳои педагогии назди Вазорати маорифи Ҷумҳурии Точикистон", "Академияи илмҳои педагогӣ" ба калимаҳои "Муассисаи давлатии "Академияи таҳсилоти Тоҷикистон" иваз карда шавад;

- дар матни қарор калимаҳои "Пажӯҳишгоҳи илмҳои педагогӣ" ба калимаҳои "Пажӯҳишгоҳи рушди маориф" ва калимаҳои "Донишкадаи марказии такмили ихтисоси кормандони соҳаи маориф" ба калимаҳои "Донишкадаи ҷумҳуриявии такмили ихтисос ва бозомӯзии кормандони соҳаи маориф" иваз карда шавад.

2. Дар Номгӯи муассисаҳо ва ташкилотҳои системаи Вазорати маорифи Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 28 декабри соли 2006, № 594 тасдиқ шудааст, калимаҳои "Пажӯҳишгоҳи илмҳои педагогӣ", "Музеи Академияи илмҳои педагогии назди Вазорати маорифи Ҷумҳурии Тоҷикистон" мутаносибан ба калимаҳои "Пажӯҳишгоҳи рушди маориф", "Музеи Академияи таҳсилоти Тоҷикистон" иваз карда шавад.

3. Академияи таҳсилоти Тоҷикистон, Пажӯҳишгоҳи рушди маориф ва Донишкадаи ҷумҳуриявии такмили ихтисос ва бозомӯзии кормандони соҳаи маориф санадҳои меъёрии ҳуқуқии худро ба қарори мазкур мутобиқ намоянд.