ФАРМОНИ ПРЕЗИДЕНТИ ҶУМҲУРИИ ТОҶИКИСТОН

Дар бораи масъалаҳои таъмини фаъолияти Ваколатдор оид ба ҳуқуқи инсон дар Ҷумҳурии Тоҷикистон

(Фармони Президенти ҶТ аз 16.12.2010 № 969, аз 28.09.2012 № 1356, аз 15.09.2016 № 756, аз 29.04.2023 № 555, аз 24.07.2026 № 1196)

Бинобар таъсисёбии мақоми Ваколатдор оид ба ҳуқуқи инсон дар Ҷумҳурии Тоҷикистон ва бо мақсади таъмини шароитҳои зарурии фаъолияти он, мутобиқи моддаи 69 Конститутсияи Ҷумҳурии Тоҷикистон фармон медиҳам (Фармони Президенти ҶТ аз 29.04.2023 № 555):

1. Шумораи ниҳоии кормандони мақоми Ваколатдор оид ба ҳуқуқи инсон 43 воҳиди корӣ (бе дар назар доштани ҳайати хизматрасон), аз ҷумла шумораи кормандони дастгоҳи марказӣ 37 воҳиди корӣ муқаррар карда шавад (Фармони Президенти ҶТ аз 29.04.2023 № 555, аз 24.07.2026 № 1196).

2. хориҷ карда шуд (Фармони Президенти ҶТ аз 29.04.2023 № 555)

3. Маблағгузории мақоми Ваколатдор оид ба ҳуқуқи инсон дар Ҷумҳурии Тоҷикистон ва сохторҳои маҳаллии он аз ҳисоби  маблағҳои буҷети ҷумҳуриявӣ анҷом дода шавад (Фармони Президенти ҶТ аз 29.04.2023 № 555).

4. Ҳукумати Ҷумҳурии Тоҷикистон:

- ҷудо намудани маблағҳо ва таъминоти дигари моддию техникии мақоми Ваколатдор оид ба ҳуқуқи инсонро амалӣ намояд (Фармони Президенти ҶТ аз 29.04.2023 № 555);

- ба санадҳои меъёрии ҳуқуқии худ вобаста ба таъсисёбии мақоми Ваколатдор оид ба ҳуқуқи инсон дар мӯҳлати ду моҳ тағйиру иловаҳои дахлдор ворид намояд (Фармони Президенти ҶТ аз 29.04.2023 № 555).

Президенти