Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 28 декабри соли 2006, № 600

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

Ба қарори Ҳукумати Ҷумҳурии Тоҷикистон аз 28 декабри соли 2006, №600 "Дар бораи Вазорати меҳнат ва ҳифзи иҷтимоии аҳолии Ҷумҳурии Тоҷикистон" тағйиру иловаҳои зерин ворид карда шаванд:

1. Дар банди 2 қарор рақамҳои "1038" ва "94" мутаносибан ба рақамҳои "1599" ва "84" иваз карда шаванд.

2. Дар Низомномаи Вазорати меҳнат ва ҳифзи иҷтимоии аҳолии Ҷумҳурии Тоҷикистон", ки бо қарори Ҳукумати Ҷумҳурии Тоҷикистон аз 28 декабри соли 2006, №600 тасдиқ шудааст, тағйиру иловаҳои зерин ворид карда шаванд:

а) дар банди 1 пас аз калимаи "буда" калимаҳои "таҳия ва" илова карда шуда, калимаи "муҳоҷират" ба калимаҳои "муҳоҷирати дохилӣ (ихтиёрӣ) ва экологӣ" иваз карда шаванд;

б)дар банди 5:

- сархати дуюм дар таҳрири зайл ифода карда шавад:

"-тибқи асосҳо ва ҷиҳати иҷрои Конститутсияи (Сарқонуни) Ҷумҳурии Тоҷикистон, қонунҳои Ҷумҳурии Тоҷикистон, санадҳои Президенти Ҷумҳурии Тоҷикистон ва Ҳукумати Ҷумҳурии Тоҷикистон вазифаҳои зеринро дар соҳаҳои муқарраргардидаи фаъолият амалӣ менамояд:".

- сархати сеюми зербанди "г" дар таҳрири зайл ифода карда шавад:

"-таъин, бозҳисобӣ, пардохти нафақаҳо ва кӯмакпулиҳои давлатии иҷтимоӣ, назорати дурустӣ ва роҳбарии методии онҳоро анҷом медиҳад";

- сархати нав бо мазмуни зерин илова карда шавад:

"- махзани маълумотро оид ба нафақахӯрон таъсис медиҳад ва амалӣ менамояд".

3. Дар сохтори дастгоҳи марказии Вазорати меҳнат ва ҳифзи иҷтимоии аҳолии Ҷумҳурии Точикистон, ки бо қарори Ҳукумати Ҷумҳурии Тоҷикистон аз 28 декабри соли 2006, №600 тасдиқ шудааст, тағйиру иловаҳои зерин ворид карда шаванд:

- сархати шашум хориҷ карда шавад;

- сархати нав бо мазмуни зайл илова карда шавад:

"Шӯъбаи муносибатҳои байналмилалӣ ва робита бо ҷомеа".