Ҳукумати Ҷумҳурии Тоҷикистон

ҚАРОР

Дар бораи ворид намудани тағйирот ба қарори Ҳукумати Ҷумҳурии Тоҷикистон аз 12 декабри соли 2011, №626

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Дар банди 3 қарори Ҳукумати Ҷумҳурии Тоҷикистон аз 12 декабри соли 2011, №626 "Дар бораи ворид намудани тағйирот ба баъзе қарорҳои Ҳукумати Ҷумҳурии Тоҷикистон" калимаҳои "аз 1 июли соли 2012" ба калимаҳои "аз 31 декабри соли 2012" иваз карда шаванд.

2. Кумитаи давлатии заминсозӣ ва геодезии Ҷумҳурии Тоҷикистон дар якҷоягӣ бо вазоратҳои адлия, молия, рушди иқтисод ва савдо, Корхонаи воҳиди давлатии "Хоҷагии манзилию коммуналӣ" ва Кумитаи давлатии сармоягузорӣ ва идораи амволи давлатии Ҷумҳурии Тоҷикистон ҷиҳати таъмини иҷрои қарори зикршуда ва гузаронидани расмиёти қабулу супоридани амвол, ҳуҷҷатҳо, бойгонӣ, инчунин ҳалли масъалаҳои ташкилию ҳуқуқӣ, молиявӣ, кадрӣ ва гузаронидани дигар чорабиниҳо вобаста ба масъалаи мазкур тадбирҳои зарурӣ андешида, аз натиҷааш то 1 ноябри соли 2012 ба Ҳукумати Ҷумҳурии Тоҷикистон таклиф манзур намояд.