Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 3 сентябри соли 1998, №347

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Дар номгӯй ва банди 1 қарори Ҳукумати Ҷумҳурии Тоҷикистон аз 3 сентябри соли 1998, № 347 "Дар бораи тасдиқи Низомномаи тартиб ва шартҳои пардохти кӯмакпулӣ барои дафн" баъд аз калимаҳои "кӯмакпулӣ барои дафн" калимаҳои "ба аъзои оилаи камбизоат", инчунин дар дебочаи қарор баъд аз калимаи "аҳолии" калимаи "камбизоати" илова карда шаванд.

2. Дар Низомномаи тартиб ва шартҳои пардохти кӯмакпулӣ барои дафн, ки бо қарори Хукумати Ҷумҳурии Тоҷикистон аз 3 сентябри соли 1998, № 347 тасдиқ шудааст, тағйиру иловаҳои зерин ворид карда шаванд:

- дар номгӯй ва матни Низомнома баъд аз калимаҳои "кӯмакпулӣ барои дафн" калимаҳои "ба аъзои оилаи камбизоат" илова карда шаванд;

- аз банди 1 Низомнома калимаҳои "ҳангоми вафоти шахси суғурташуда, инчунин ҳангоми фавти аъзои хонавода, ки таҳти саробонии ӯ қарор доранд" хориҷ карда шуда, ҳамзамон рақам ва калимаи "500 (панҷсад) сомониро" ба калимаҳои "баробари бист нишондиҳанда барои ҳисобҳо" иваз карда шаванд;

- дар сархати дуюми банди 4 Низомнома калимаҳои "органҳои ҳокимияти иҷроияи маҳаллии (ҳукуматҳо)" ба калимаҳои "мақомоти иҷроияи маҳаллии ҳокимияти давлатӣ" иваз карда шаванд;

- дар банди 6 Низомнома баъд аз калимаи "фавт" калимаҳои "тибқи рӯйхати тасдиқгардидаи мақомоти иҷроияи маҳаллии ҳокимияти давлатӣ" илова карда шаванд;

- дар бандҳои 2 ва 7 Низомнома калимаҳои "корманди суғурташуда" ба калимаи "шаҳрванд" иваз карда шавад;

- дар банди 14 Низомнома калимаҳои "аз тарафи органҳое, ки мақомоти ҳокимияти иҷроияи маҳаллӣ (ҳукуматҳо) муайян мекунад, аз ҳисоби буҷетҳои маҳаллӣ" ба калимаҳои "тибқи рӯйхати аз тарафи мақомоти иҷроияи маҳаллии ҳокимияти давлатӣ муайяншаванда аз ҳисоби маблағҳои мақомоти дахлдор" иваз карда шаванд.