Ҳукумати Ҷумҳурии Тоҷикистон

ҚАРОР

Дар бораи тасдиқи Тартиб ва андозаи пардохти ёрдампулии яквақта ба иштирокчиёни мурофиаи судии ҷиноятӣ, ки нисбати онҳо чораҳои дастгирии иҷтимоӣ татбиқ карда мешаванд

Мутобиқи моддаҳои 3 ва 15 Қонуни Ҷумҳурии Тоҷикистон "Дар бораи ҳимояи давлатии иштирокчиёни мурофиаи судии ҷиноятӣ" Ҳукумати Ҷумҳурии Тоҷикистон қарор мекунад:

1. Тартиб ва андозаи пардохти ёрдампулии яквақта ба иштирокчиёни мурофиаи судии ҷиноятӣ, ки нисбати онҳо чораҳои дасттирии иҷтимоӣ татбиқ карда мешаванд (минбаъд-шахсони ҳимояшаванда), тасдиқ карда шаванд (замима мегардад).

2. Вазорати меҳнат ва ҳифзи иҷтимоии аҳолии Ҷумҳурии Тоҷикистон мақоми ваколатдори татбиқкунандаи чораҳои дастгирии иҷтимоии шахсони ҳимояшаванда (минбаъд - мақоми ваколатдор) муқаррар карда шавад.

3. Пардохти ёрдампулии яквақта ба иштирокчиёни мурофиаи судии ҷиноятӣ, ки нисбати онҳо чораҳои дастгирии иҷтимоӣ татбиқ карда мешаванд, аз ҳисоби буҷети давлатӣ ва манбаъҳои дигари молиявӣ, ки қонунгузории Ҷумҳурии Тоҷикистон манъ накардааст, амалӣ карда шавад.

4. Мақоми ваколатдор ҳамасола дар сметаҳои хароҷоти худ барои чораҳои дастгирии иҷтимоии шахсони ҳимояшаванда маблағҳои зарурӣ пешбинӣ намояд.