ҚОНУНИ ҶУМҲУРИИ ТОҶИКИСТОН

ОИД БА ВОРИД НАМУДАНИ ТАҒЙИРУ ИЛОВАҲО БА ҚОНУНИ ҶУМҲУРИИ ТОҶИКИСТОН "ДАР БОРАИ МУРОҶИАТҲОИ ШАҲРВАНДОН"

Моддаи 1. Ба Қонуни Ҷумҳурии Тоҷикистон аз 14 декабри соли 1996 "Дар бораи муроҷиатҳои шаҳрвандон" (Ахбори Маҷлиси Олии Ҷумҳурии Тоҷикистон, с. 1996, №24, мод. 368; с. 1998, №10, мод. 79; с. 2006, №11, мод. 469; с. 2007, №7, мод. 666; с. 2010, № 12, қ. 1, мод. 805) тағйиру иловаҳои зерин ворид карда шаванд:

1. Дар тамоми матни Қонун сархатҳо бо аломати дефис "-" ишора карда шаванд.

2. Ба қисми сеюми моддаи 1 баъд аз калимаи "Конститутсияи" калимаи "(Сарқонуни)" илова карда шавад.

3. Дар моддаи 1(1) калимаҳои "Кодекси Ҷумҳурии Тоҷикистон оид ба мурофиаи судии иқтисодӣ" ба калимаҳои "Кодекси мурофиавии иқтисодии Ҷумҳурии Тоҷикистон" иваз карда шаванд.

4. Дар моддаи 2:

- дар қисмҳои сеюм ва чорум калимаи "муроҷиатномаҳои" ба калимаи "муроҷиатҳои" иваз карда шавад;

- қисми панҷум дар таҳрири зерин ифода карда шавад:

"Муроҷиатҳо инфиродӣ ё дастҷамъона буда, метавонанд дар шакли шифоҳӣ ё хаттӣ пешниҳод гарданд ва барои ҳимояи ҳуқуқҳои худи муроҷиаткунанда ё ҳимояи ҳуқуқҳои дигар шахсони воқеӣ ва ҳуқуқӣ равона карда шаванд.".

5. Қисмҳои якум ва дуюми моддаи 5 дар таҳрири зайл ифода карда шаванд:

"Дар муроҷиат бояд насаб, ном, номи падар, суроғаи шаҳрванд, моҳияти таклиф, ариза ё шикоят зикр гардида, ба он имзо гузошта шуда бошад.

Муроҷиатҳое, ки дар онҳо насаб, ном, номи падар, суроғаи шаҳрванди муроҷиатнамуда зикр нашудаанд ва ё ин маълумотҳо ба воқеият мувофиқ нестанд, инчунин бе имзо мебошанд, муроҷиатҳои беном дониста шуда, мавриди баррасӣ қарор намегиранд.".

6. Дар моддаи 7:

- дар номи модда калимаҳои "додани шикоят" ба калимаҳои "пешниҳоди шикоят" иваз карда шаванд;

- ба сархати панҷум баъд аз калимаи "шикоят" калимаҳои "бо забони давлатӣ ва ё забони муоширати байни миллатҳо" илова карда шаванд.

7. Моддаи 16 дар таҳрири зерин ифода карда шавад:

"Моддаи 16. Ҷавобгарӣ барои додани аризаю шикоятҳои тӯҳматангез, тахқиромез ё аризаю шикоятҳое, ки барои барангехтани кинаю адовати миллӣ, нажодӣ, маҳалгароӣ ё динӣ равона шудаанд

Шаҳрванд барои додани аризаю шикоятҳои тӯҳматангез, тахқиромез ё аризаю шикоятҳое, ки барои барангехтани кинаю адовати миллӣ, нажодӣ, махалгароӣ ё динӣ равона шудаанд, мутобиқи қонунгузории Ҷумҳурии Тоҷикистон ба ҷавобгарӣ кашида мешавад.".

Моддаи 2. Қонуни мазкур пас аз интишори расмӣ мавриди амал қарор дода шавад.

Қарори Маҷлиси намояндагони Маҷлиси Олии Ҷумҳурии Тоҷикистон

Дар бораи қабул намудани Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи муроҷиатҳои шаҳрвандон"

Маҷлиси намояндагони Маҷлиси Олии Ҷумҳурии Тоҷикистон қарор мекунад:

Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи муроҷиатҳои шаҳрвандон" қабул карда шавад.

Қарори Маҷлиси миллии Маҷлиси Олии Ҷумҳурии Тоҷикистон

Дар бораи Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи муроҷиатҳои шаҳрвандон"

Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи муроҷиатҳои шаҳрвандон"-ро баррасӣ намуда, қарор мекунад:

Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи муроҷиатҳои шаҳрвандон" ҷонибдорӣ карда шавад.