Ҳукумати Ҷумҳурии Тоҷикистон

ҚАРОР

Дар бораи таъсиси Муассисаи таълимии давлатии "Мактаб-интернати ҷумҳуриявӣ дар ноҳияи Рӯшони Вилояти Мухтори Кӯҳистони Бадахшон"

Мутобиқи моддаҳои 52 ва 132 Кодекси граждании Ҷумҳурии Тоҷикистон, моддаи 28 Қонуни Ҷумҳурии Тоҷикистон "Дар бораи маориф" ва моддаи 42 Қонуни Ҷумҳурии Тоҷикистон "Дар бораи санадҳои меъерии ҳуқуқӣ" Ҳукумати Ҷумҳурии Тоҷикистон қарор мекунад:

1. Муассисаи таълимии давлатии "Мактаб-интернати ҷумҳуриявӣ дар ноҳияи Рӯшони Вилояти Мухтори Кӯҳистони Бадахшон" дар заминаи "Интернати вилоятӣ барои кӯдакони ятиму бепарастор дар ноҳияи Рӯшони Вилояти Мухтори Кӯҳистони Бадахшон" таъсис дода шавад.

2. Вазорати маорифи Ҷумҳурии Тоҷикистон дар мӯҳлати ду моҳ мувофиқи тартиби муқарраргардида масъалаҳои ташкилию ҳуқуқии муассисаи таълимии мазкурро ҳал намояд.

3. Маблағгузории Муассисаи таълимии давлатии "Мактабинтернати ҷумҳуриявӣ дар ноҳияи Рӯшони Вилояти Мухтори Кӯҳистони Бадахшон" дар соли 2012 аз ҳисоби фонди захиравии Президенти Ҷумҳурии Тоҷикистон амалӣ карда шуда, солҳои минбаъда дар Буҷети давлатӣ маблағҳои зарурӣ пешбинӣ карда шавад.

4. Ба Номгӯи муассисаҳо ва ташкилотҳои системаи Вазорати маорифи Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 28 декабри соли 2006, №594 "Дар бораи Вазорати маорифи Ҷумҳурии Тоҷикистон" тасдиқ шудааст, сархати нав бо мазмуни зайл илова карда шавад:

"Муассисаи таълимии давлатии "Мактаб-интернати ҷумҳуриявӣ дар ноҳияи Рӯшони Вилояти Мухтори Кӯҳистони Бадахшон".