Ҳукумати Ҷумҳурии Тоҷикистон

ҚАРОР

Дар бораи таъсиси Муассисаи таълимии давлатии "Мактаби байналмилалии Президентӣ" дар шаҳри Душанбе

Мутобиқи моддаҳои 52 ва 132 Кодекси граждании Ҷумҳурии Тоҷикистон, моддаҳои 11 ва 28 Қонуни Ҷумҳурии Тоҷикистон "Дар бораи маориф" ва моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

1. Муассисаи таълимии давлатии "Мактаби байналмилалии Президентӣ" дар шаҳри Душанбе таъсис дода шавад.

2. Вазорати маорифи Ҷумҳурии Тоҷикистон дар муддати ду моҳ ҳуҷҷатҳои меъёрии ҳуқуқии фаъолияти муассисаи мазкурро таҳия ва тасдиқ намояд.

3. Вазорати молияи Ҷумҳурии Тоҷикистон ва Вазорати маорифи Ҷумҳурии Тоҷикистон маблағгузории Муассисаи таълимии давлатии "Мактаби байналмилалии Президентӣ" дар шаҳри Душанберо дар соли 2012 аз ҳисоби фонди захиравии Президенти Ҷумҳурии Тоҷикистон амалӣ намуда, сарчашмаи маблағгузории муассисаи мазкурро дар солҳои минбаъда тибқи тартиби муқарраргардида муайян намоянд.

4. Ба Номгӯи муассиса ва ташкилотҳои системаи Вазорати маорифи Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 28 декабри соли 2006, №594 "Дар бораи Вазорати маорифи Ҷумҳурии Тоҷикистон" тасдиқ гардидааст, сархати нав бо мазмуни зайл илова карда шавад:

"Муассисаи таълимии давлатии "Мактаби байналмилалии Президентӣ" дар шаҳри Душанбе".