Ҳукумати Ҷумҳурии Тоҷикистон

ҚАРОР

Дар бораи ворид намудани тағйиру иловаҳо ба қарори Ҳукумати Ҷумҳурии Тоҷикистон аз 3 апрели соли 2007, №172

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

Ба боби 57 Низомнома дар бораи хусусиятҳои иҷозатномадиҳӣ ба баъзе намудҳои фаъолият, ки бо қарори Ҳукумати Ҷумҳурии Тоҷикистон аз 3 апрели соли 2007, №172 тасдиқ шудааст, тағйиру иловаҳои зерин ворид карда шаванд:

1. Дар банди 2:

- сархатҳои якум, дуюм ва чорум дар таҳрири зайл ифода карда шаванд:

"- содироту воридоти спирти этилӣ ва машрубот;

- истеҳсол, нигоҳдорӣ ва фурӯши яклухти спирти этилӣ ва машрубот;

- истеҳсоли пиво;";

- сархати панҷум бо мазмуни зайл илова карда шавад:

"-содирот ва воридоти пиво;".

2. Дар зербанди 1 банди 5:

- сархатҳои дуюм ва ҳаштум хориҷ карда шаванд;

- сархати ҳафтум дар таҳрири зайл ифода карда шавад:

"-риоя намудани регламентҳои техникӣ;".

3. Дар банди 6 калимаҳои "фурӯши яклухт" ба калимаи "муомилот" иваз карда шавад.

4. Қарори мазкур аз рӯзи дохил шудани Ҷумҳурии Тоҷикистон ба Созмони Умимиҷаҳонии Савдо мавриди амал қарор дода шавад.