Ҳукумати Ҷумҳурии Тоҷикистон

ҚАРОР

Дар бораи таъсис додани Муассисаи давлатии "Маркази идораи лоиҳаи "Рушди чорводорӣ ва чарогоҳҳо"

Мутобиқи моддаҳои 52 ва 132 Кодекси граждании Ҷумҳурии Тоҷикистон ва бо мақсади татбиқи лоиҳаи "Рушди чорводорӣ ва чарогоҳҳо", Ҳукумати Ҷумҳурии Тоҷикистон қарор мекунад:

1. Муассисаи давлатии "Маркази идораи лоиҳаи "Рушди чорводорӣ ва чарогоҳҳо" таъсис дода, Оинномаи он тасдиқ карда шавад (замима мегардад).

2. Вазорати кишоварзии Ҷумҳурии Тоҷикистон агентии иҷроияи лоиҳаи мазкур муайян карда шавад.

3. Вазорати кишоварзии Ҷумҳурии Тоҷикистон дар якҷоягӣ бо Кумитаи давлатии сармоягузорӣ ва идораи амволи давлатии Ҷумҳурии Тоҷикистон барои ҷойгир намудани Муассисаи давлатии "Маркази идораи лоиҳаи "Рушди чорводорӣ ва чарогоҳҳо" бинои зарурӣ ҷудо намояд.

4. Муассисаи давлатии Маркази идораи лоиҳаи "Рушди чорводорӣ ва чарогоҳҳо" дар мувофиқа бо Вазорати кишоварзии Ҷумҳурии Тоҷикистон, Вазорати молияи Ҷумҳурии Тоҷикистон ва Фонди байналмилалии рушди кишоварзӣ ҷадвали штатӣ ва сметаи хароҷотро таҳия ва тасдиқ намояд.