Созишнома дар бораи таъсиси Шӯрои роҳбарони мақомоти муҳоҷирати давлатҳои аъзои Иттиҳоди Давлатҳои Мустақил

Давлатҳои аъзои Иттиҳоди Давлатҳои Мустақил, ки минбаъд Тарафҳо номида мешаванд,

ба инкишофи ҳамкориҳо дар соҳаи муҳоҷират аҳамияти муҳим дода,

ба ҳамоҳангсозии ҳамкорӣ дар самтҳои асосии сиёсати муҳоҷират кӯшиш намуда,

бо дарки он, ки инкишофи чунин ҳамкориҳо ба манфиатҳои халқҳои онҳо ҷавобгӯ мебошад,

дар асоси мақсад ва вазифаҳои Иттиҳоди Давлатҳои Мустақил,

ба мувофиқаи зайл расиданд:

Моддаи 1

Шӯрои роҳбарони мақомоти муҳоҷирати давлатҳои иштирокчии аъзои Иттиҳоди Давлатҳои Мустақил (минбаъд - Шӯро) таъсис дода шавад.

Моддаи 2

Шӯро фаъолияти худро дар асоси Низомномая Шӯрои роҳбарони мақомоти муҳоҷирати давлатҳои аъзои Иттиҳоди Давлатҳои Мустақил, ки қисми ҷудонашавандаи Созишномаи мазкур мебошад, амалӣ менамояд.

Моддаи 3

Созишномаи мазкур аз рӯзи ба имзо расидан ва барои Тарафҳое, ки қонунгузории онҳо анҷом додани расмиёти дохилидавлатии барои эътибор пайдо кардани он зарурро талаб мекунад, аз санаи аз ҷониби маҳфуздоранда гирифтани огоҳиномаи хаттӣ дар бораи анҷом додани расмиёти мазкур эътибор пайдо мекунад.

Моддаи 4

Бо ризоияти мутақобилаи Тарафҳо ба Созишномаи мазкур метавонад тағйиру иловаҳо ворид карда шаванд, ки бо протоколҳои алоҳида ба расмият дароварда шуда, мувофиқи тартиби пешбининамудаи моддаи 3 Созишномаи мазкур мавриди амал қарор мегиранд.

Моддаи 5

Созишномаи мазкур баъд аз мавриди амал қарор гирифтан барои ҳамроҳшавии дигар давлатҳои аъзои Иттиҳоди Давлатҳои Мустақил, ки муқаррароти онро маъқул дониста, омодаи қабули ӯҳдцадориҳое, ҳастанд, ки аз Созишномаи мазкур бармеоянд, кушода мебошад. Барои давлати ҳамроҳшаванда Созишномаи мазкур аз санаи аз ҷониби маҳфуздоранда гирифтани ҳуҷҷат оид ба ҳамроҳшавӣ эътибор пайдо мекунад.

Моддаи 6

Ҳар яке аз Тарафҳо бо ирсоли огоҳиномаи хаттӣ ба маҳфуздоранда оид ба мақсади худ на дертар аз 6 моҳи хориҷшавӣ метавонад аз Созишномаи мазкур хориҷ шавад.

Созишнома дар шаҳри Душанбе 5 октябри соли 2007 дар як нусхаи аслӣ бо забони русӣ ба имзо расонида шуд. Нусхаи аслӣ дар Кумитаи иҷроияи Иттиҳоди Давлатҳои Мустақил, ки ба ҳар як давлати Созишномаи мазкурро карда нусхаи тасдиқшударо ирсол менамояд, нигоҳдошта мешавад.

Замима ба Созишнома