ФАРМОНИ ПРЕЗИДЕНТИ ҶУМҲУРИИ ТОҶИКИСТОН

Дар бораи тасдиқ намудани Созишнома дар бораи таъсиси Шӯрои роҳбарони мақомоти муҳоҷирати давлатҳои аъзои Иттиҳоди Давлатҳои Мустақил

Мутобиқи моддаи 12 Қонуни Ҷумҳурии Тоҷикистои "Дар бораи шартномаҳои байналмилалии Ҷумҳурии Тоҷикистон" фармон медиҳам:

1. Созишнома дар бораи таъсиси Шӯрои роҳбарони мақомоти муҳоҷирати давлатҳои аъзои Иттиҳоди Давлатҳои Мустакил, ки 5 октябри соли 2007 дар шаҳри Душанбе ба имзо расидааст, тасдиқ карда шавад.

2. Вазорати корҳои хориҷии Ҷумҳурии Тоҷикистон бо тартиби муқарраргардида Кумитаи иҷроияи Иттиҳоди Давлатҳои Мустақилро дар хусуси аз ҷониби Ҷумҳурии Тоҷикистон иҷро гардидани расмиёти дохилидавлатие, ки барои эътибор пайдо кардани Созишномаи мазкур заруранд, огоҳ намояд.