ФАРМОНИ ПРЕЗИДЕНТИ ҶУМҲУРИИ ТОҶИКИСТОН

Дар бораи ворид намудани тағйиру иловаҳо ба Низомномаи Агентии назорати давлатии молиявӣ ва мубориза бо коррупсияи Ҷумҳурии Тоҷикистон

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" фармон медиҳам:

Ба Низомномаи Агентии назорати давлатии молиявӣ ва мубориза бо коррупсияи Ҷумҳурии Точикистон, ки бо Фармони Президенти Ҷумҳурии Тоҷикистон аз 10 январи соли 2007, № 143 "Дар бораи Агентии назорати давлатии молиявӣ ва мубориза бо коррупсияи Ҷумҳурии Тоҷикистон" тасдиқ шудааст, тағйиру иловаҳои зерин ворид карда шаванд:

1. Сархати сездаҳуми банди 6 дар таҳрири зайл ифода карда шавад:

"- дар доираи ваколатҳои худ, мутобиқи санадҳои меъёрии ҳуқуқии Ҷумҳурии Тоҷикистон кормандонро бо медалҳои ҷашнӣ ва Нишони сарисинагии "Аълочии мақомоти назорати давлатии молиявӣ ва мубориза бо коррупсия" сарфароз мегардонад ва ба онҳо рутбаҳои махсуси дахлдор медиҳад;".

2. Дар банди 10 баъди калимахои "русӣ ва англисӣ," калимаҳои "Нишони худ" илова карда шавад.