Ҳукумати Ҷумҳурии Тоҷикистон

ҚАРОР

Дар бораи ворид намудани иловаҳо ба қарори Ҳукумати Ҷумҳурии Тоҷикистон аз 4 январи соли 2005, № 5

Мутобиқи моддаи 42 Қонуни Ҷумҳурии Тоҷикистон "Дар бораи санадҳои меъёрии ҳуқуқӣ" Ҳукумати Ҷумҳурии Тоҷикистон қарор мекунад:

Ба ҳайати Комиссияи байниидоравии мубориза ба муқобили хариду фурӯши одамон, ки бо қарори Ҳукумати Ҷумҳурии Тоҷикистон аз 4 январи соли 2005, № 5 тасдиқ шудааст, баъд аз сархати бистум сархатҳои нав бо мазмуни зайл илова карда шаванд:

"Муовини раиси Кумитаи оид ба корҳои дини назди Ҳукумати Ҷумҳурии Тоҷикистон, масъули соҳа;

Муовини якуми сардори Хадамоти муҳоҷирати назди Ҳукумати Ҷумҳурии Тоҷикистон, масъули соҳа;

Раиси Федератсияи иттифоқҳои касабаи мустақили Тоҷикистон".