Ҳукумати Ҷумҳурии Тоҷикистон

ҚАРОР

Дар бораи Консепсияи ташаккули ҳукумати электронӣ дар Ҷумҳурии Тоҷикистон

Мутобиқи моддаи 6 Қонуни Ҷумҳурии Тоҷикистон "Дар бораи дурнамоҳои давлатӣ, консепсияҳо, стратегияҳо ва барномаҳои инкишофи иҷтимоию иқтисодии Ҷумҳурии Тоҷикистон" Ҳукумати Ҷумҳурии Тоҷикистон қарор мекунад:

1) Консепсияи ташаккули ҳукумати электронӣ дар Ҷумҳурии Тоҷикистон тасдиқ карда шавад (замима мегардад).

2) Маркази иттилоотию техникии Дастгоҳи иҷроияи Президенти Ҷумҳурии Тоҷикистон мақоми танзим, назорат ва ҳамоҳангсозии Консепсияи ташаккули ҳукумати электронӣ дар Ҷумҳурии Тоҷикистон муайян карда шавад(Қарори Ҳукумати ҶТ аз 15.11.2012 № 655). 

3) Вазорату идораҳо ва мақомоти маҳаллии ҳокимияти давлатӣ ҷиҳати татбиқи Консепсияи мазкур чораҳои зарурӣ андешанд.